കാമുകിയെ 'ഇംപ്രസ്' ചെയ്യാന് റെസ്റ്റോറന്റ് ജീവനക്കാരിയ്ക്ക് വന് തുക ടിപ് നല്കി പണി കിട്ടിയ ഒരു യുവാവിന്റെ വാര്ത്തയാണ് സോഷ്യല് മീഡിയയില് വൈറലാകുന്നത്. 'റെഡ്ഡിറ്റ്' എന്ന സോഷ്യല് മീഡിയ പ്ലാറ്റ്ഫോമിലൂടെയാണ് സംഭവം ആദ്യം പുറത്ത് വന്നത്. u/tamairaisredditing എന്ന യൂസര്നെയിമില് നിന്നാണ് ആദ്യമായി റെഡ്ഡിറ്റില് സംഭവം പങ്കുവെയ്ക്കപ്പെട്ടത്.
യുവാവും കാമുകനും ഒരുമിച്ച് ഭക്ഷണം കഴിയ്ക്കാനായി റെസ്റ്റോറന്റില് എത്തുകയായിരുന്നു. ഏതാണ്ട് ഇരുപതിനായിരത്തിലധികം രൂപയ്ക്ക് വൈനും ആപ്പറ്റൈസറുകളും മറ്റ് ഭക്ഷണങ്ങളും യുവാവ്് ഓര്ഡര് ചെയ്തു. തുടര്ന്ന് ഭക്ഷണമെല്ലാം കഴിച്ച ശേഷം റെസ്റ്റോറന്റിലെ ജീവനക്കാരിയ്ക്ക് ബില്ലിനൊപ്പം ഇവര്ക്ക് ഏഴായിരത്തിലധികം രൂപ ടിപ് ആയി നല്കുകയായിരുന്നു. ഇത്രയും വലിയ തുക ടിപായി ലഭിച്ച ജീവനക്കാരി അതിയായി സന്തോഷിച്ചു. എന്നാല് ആ സന്തോഷത്തിന് കുറച്ച് സമയം മാത്രമേ ആയുസുണ്ടായിരുന്നുള്ളൂ. കാരണം കുറച്ച് സമയത്തിന് ശേഷം യുവാവ് ഒറ്റക്ക് തിരികെ വരികയും ആദ്യം കൊടുത്ത ടിപ് തിരികെ ചോദിക്കുകയുമായിരുന്നു. ആയിരത്തിയഞ്ഞൂറ് രൂപ ഒഴികെ ബാക്കി നല്കിയ പണം മുഴുവന് യുവാവ് മടക്കി വാങ്ങി.
യുവാവിന്റെ പ്രവൃത്തിയില് വിഷമം വന്നെങ്കില് യുവാവിന്റെ രീതി ശരിയല്ലെന്ന് തോന്നിയ ജീവനക്കാരി തിരിച്ച് യുവാവിന് വമ്പന് പണി കൊടുക്കുകയായിരുന്നു. ജീവനക്കാരി യുവാവും കാമുകിയുമിരിക്കുന്ന കാറിനടുത്തേക്ക് ഓടിച്ചെന്ന് പുതുക്കിയ ടിപ്പിന് പുതിയ റെസിപ്റ്റ് പൂരിപ്പിച്ചു നല്കണമെന്ന് ഉറക്കെ ആവശ്യപ്പെടുകയായിരുന്നു. കാമുകിക്ക് യുവാവിന്റെ പ്രവൃത്തി മനസിലാകാനാണ് ജീവനക്കാരി ഇങ്ങനെ ചെയ്തത്. ജീവനക്കാരി ഇങ്ങനെ പറഞ്ഞതോടെ കാമുകിക്ക് കാര്യം മനസിലാവുകയും ചെയ്തു. ആദ്യം എതിര്ത്തെങ്കിലും പിന്നീട് യുവാവ് റെസിപ്റ്റ് പൂരിപ്പിച്ചു നല്കി. യുവാവിന് ഇങ്ങനെയൊരു പണി നല്കിയത് നന്നായെന്നാണ് സോഷ്യല് മീഡിയയിലുള്ളവര് ഒരേ സ്വരത്തില് പറയുന്നത്.
