പ്രമുഖ ഇന്ത്യൻ സ്മാർട്ട്ഫോൺ ബ്രാൻഡായ മൈക്രോമാകസിന്റെ ഇയർബഡ്സ് വിപണിയിലെത്തി. എയർഫങ്ക് 1 പ്രോ, എയർഫങ്ക് 1 എന്നിങ്ങനെ രണ്ട് ഇയർബഡ്സാണ് മൈക്രോമാക്സ് വിപണിയിൽ എത്തിച്ചിരിക്കുന്നത്. റിപ്പോർട്ട് പ്രകാരം എയർഫങ്ക് 1 പ്രോയ്ക്ക് 2,499 രൂപയും, എയർഫങ്ക് 1ന് 1,299 രൂപയുമാണ് വില. കറുപ്പ്, നീല, ചുവപ്പ്, മഞ്ഞ, വെളുപ്പ് നിറങ്ങളിൽ എയർഫങ്ക് 1 പ്രോയും കറുപ്പ്, നീല, പർപ്പിൾ, മഞ്ഞ, വെളുപ്പ് നിറങ്ങളിൽ എയർഫങ്ക് 1ഉം ലഭിക്കും.
ഇരു മോഡലുകളുടെയും വില്പന അടുത്ത മാസം 18 മുതലാണ് ഫ്ലിപ്കാർട്ട്, മൈക്രോമാക്സ്ഇൻഫോ.കോം വെബ്സൈറ്റുകൾ വഴി ക്രമീകരിച്ചിരിക്കുന്നത്. ഇൻ-ഇയർ ഡിസൈനും മുട്ടയുടെ ആകൃതിയിലുള്ള ചാർജിംഗ് കേസുമായാണ് എയർഫങ്ക് 1 പ്രോ എത്തുന്നത്. പ്രോ മോഡലിൽ ചുറ്റുമുള്ള അനാവശ്യ ശബ്ദം കുറയ്ക്കുന്ന ക്വാൽകോം ക്ലിയർ വോയ്സ് ക്യാപ്ചർ (cVc) 8.0 ഫീച്ചർ ഉണ്ട്. മാത്രമല്ല 25db വരെ ആംബിയന്റ് കുറയ്ക്കാനും സാധിക്കും. എയർഫങ്ക് 1 പ്രോയിൽ മികച്ച കോൾ ഗുണനിലവാരത്തിനായി ബ്ലൂടൂത്ത് v5.2, ക്വാഡ് മൈക്രോഫോണുകൾ (ഓരോ ഇയർപീസിലും രണ്ട്), മികച്ച ബാസിനും സ്റ്റീരിയോ ശബ്ദത്തിനും 13 എംഎം ഡൈനാമിക് ഡ്രൈവറുകൾ എന്നിവയുണ്ട്.
ഇൻ-ഇയർ ഡിസൈനാണ് എയർഫങ്ക് 1നും. എയർഫങ്ക് 1ന് എയർഫങ്ക് 1 പ്രോയേക്കാൾ അല്പം കൂടെ കോംപാക്റ്റ് ഫ്രെയിം ആണ്. ഒരു കോൾ സമയത്ത് നിങ്ങളുടെ ശബ്ദം സ്ത്രീകളിൽ നിന്ന് പുരുഷ മോഡുകളിലേക്കും തിരിച്ചും മാറ്റാൻ ഇത് അനുവദിക്കുന്നു. ഐപി 44 ഡസ്റ്റ് വാട്ടർ റെസിസ്റ്റൻസ് റേറ്റിംഗും എയർഫങ്ക് 1നുണ്ട്. ഫുൾ ചാർജ് ചെയ്താൽ 5 മണിക്കൂർ വരെ പ്ലേടൈം എയർഫങ്ക് 1നുണ്ട്.
