കൊച്ചി: എറണാകുളം അതിരൂപത ഭൂമിയിടപാടില് ഗുരുതരമായ സാമ്പത്തിക ക്രമക്കേട് നടത്തി കള്ളപ്പണ ഇടപാടുകള്ക്ക് നേതൃത്വം നല്കിയ കര്ദിനാള് ആലഞ്ചേരിയെ മുഴുവന് ചുമതലകളില് നിന്നും പുറത്താക്കാന് സിറോ മലബാര് സഭാ സിനഡ് തന്നെ വത്തിക്കാനോട് ആവശ്യപ്പെടണമെന്ന് എറണാകുളം അങ്കമാലി അതിരൂപത വിശ്വാസികളുടെ കൂട്ടായ്മയായ അല്മായ മുന്നേറ്റം ആവശ്യപ്പെട്ടു.
എറണാകുളം അതിരൂപതയിലെ വിശ്വാസികളെയും വൈദികരെയും ഇനിയും പൊതുസമൂഹത്തില് അപമാനിക്കത്. റിയല് എസ്റ്റേറ്റ് ബിസിനസ് നടത്തിയ കര്ദിനാള് ആലഞ്ചേരിയുടെ സാമ്പത്തിക തട്ടിപ്പിന് എറണാകുളം അതിരൂപതയിലെ വിശ്വാസികളുടെ പണം പിഴ അടക്കാന് അനുവദിക്കില്ല. ഇതിന്റെ പേരില് മുന്പ് അടച്ച തുക കര്ദിനാള് ആലഞ്ചേരിയില് നിന്ന് തിരിച്ചു പിടിക്കാന് സഭാ സിനഡ് നടപടി എടുക്കണം.
ഭൂമിഇടപാടില് നേരിട്ട് ഹാജരായി വിചാരണ നേരിടണമെന്ന് ഹൈക്കോടതി വിധിച്ചിരിക്കുന്നത്. ഭാരത ക്രൈസ്തവ സമൂഹത്തെ ഇനിയും കൂടുതല് അപമാനിക്കാതെ കെസിബിസി പ്രസിഡന്റ് സ്ഥാനത്തു നിന്നും സിറോമലബാര് സഭാ നേതൃത്വസ്ഥാനത്തു നിന്നും രാജിവച്ചു പുറത്ത് പോകണമെന്ന് അല്മായ മുന്നേറ്റം ആവശ്യപ്പെട്ടു. സ്വയം പുറത്തുപോകാന് തയ്യാറായില്ലെങ്കില് പുറത്താക്കാന് മെത്രാന്മാര് വത്തിക്കാനോട് ആവശ്യപ്പെടണമെന്നും അല്മായ മുന്നേറ്റം കണ്വീനര് അഡ്വ.ബിനു ജോണ്, വക്താവ് റിജു കാഞ്ഞൂക്കാരന് എന്നിവര് പ്രസ്താവനയിലൂടെ ആവശ്യപ്പെട്ടു.
