മുംബൈ: കഴിഞ്ഞ നാലു വര്ഷമായി ലഹരി ഉപയോഗിക്കുന്നുവെന്ന് ആഡംബര കപ്പലിലെ ലഹരിപാര്ട്ടിക്കിടെ അറസ്റ്റിലായ ആര്യന് ഖാന്റെ മൊഴി. നാര്ക്കോട്ടിക് കണ്ട്രോള് ബ്യുറോയുടെ (എന്.സി.ബി) ചോദ്യം ചെയ്യലിലാണ് താരപുത്രന്റെ കുറ്റസമ്മതം. ആര്യന് ഖാന് ലഹരി ഇടപാടുകാരുമായി ബന്ധമുണ്ടെന്നും അതിന്റെ തെളിവ് ലഭിച്ചുവെന്നും എന്.സി.പി പറയുന്നു. മണിക്കൂറുകള് നീണ്ട ചോദ്യം ചെയ്യലില് പൊട്ടിക്കരഞ്ഞുകൊണ്ടാണ് ആര്യന് ഖാന്റെ കുറ്റസമ്മതം.
അതിനിടെ, ആഡംബര കപ്പലായ കൊര്ഡേലിയ ക്രൂയിസില് നിന്ന് കൂടുതല് ലഹരിമരുന്നുകള് തിരിച്ചലില് കണ്ടെത്തിയതായി റിപ്പോര്ട്ടുണ്ട്. അപ്പര് ഡെക്കില് നിന്നും വിവിധ മുറികളില് നടത്തിയ പരിശോധനയിലുമാണ് ഇവ ലഭിച്ചത്. ആറു പേര് കൂടി കസ്റ്റഡിയിലായി.
13 ഗ്രാം കൊക്കൈയ്ന്, 5 ഗ്രാം എം.ഡി, 21 ഗ്രാം ചരസ്, എം.ഡിഎം.എ, 1,33,000 രൂപ എന്നിവയാണ് ഇവരുടെ പക്കല് നിന്ന് ഇന്നലെ പിടിച്ചെടുത്തത്.
ഷാരൂഖ് ഖാന്റെ മകന് ആര്യന് ഖാന്, അര്ബസ് സേത്ത് മര്ച്ചന്റ്, മുന്മൂണ് ധമേച്ച, നുപുര് സതിജ്, ഇഷ്മീത് സിംഗ് ഛദ്ദ, മൊഹക് ജയ്സ്വാള്, ഗോമിത് ചോപ്ര, വിക്രാന്ത് ഛോകര് എന്നിവരാണ് ഇന്നലെ അറസ്റ്റിലായത്.
നാല് വര്ഷമായി വിവിധ വിവിധ ലഹരിമരുന്നുകള് ഉപയോഗിക്കുന്നുണ്ടെന്നും ബ്രിട്ടണിലും ദുബായിലും താമസിച്ചിരുന്ന സമയത്ത് ഇവ ഉപയോഗിച്ചിരുന്നതായും ആര്യന് ഖാന് അന്വേഷണ സംഘത്തോട് സമ്മതിച്ചു.
