അഫ്ഗാനിസ്ഥാനില് താലിബാന് ഭരണം പിടിച്ചെടുത്തതോടെ സ്ത്രീകളുടെ ജീവിതം സംബന്ധിച്ച് ആഗോളതലത്തില് ആശങ്ക നിലനിന്നിരുന്നു. ഈ ആശങ്കയ്ക്ക് കൂടുതല് ഊന്നല് നല്കുന്ന രീതിയിലുളള ഒരു കത്താണ് പ്രശസ്ത താരം ആന്ജലിന ജോളി സമൂഹമാധ്യമങ്ങളിലൂടെ പങ്കുവയ്ക്കുന്നത്. അഫ്ഗാനിസ്ഥാന് സ്വദേശിയായ പെണ്കുട്ടി അയച്ച കത്താണ് ആന്ജലീന പങ്കുവച്ചത്. സ്ത്രീകളുടെ അവകാശങ്ങള് താലിബാന് ഭരണത്തിന് കീഴില് എങ്ങനെയാണ് നടക്കുന്നതെന്ന് വ്യക്തമാക്കുന്നതായിരുന്നു ആന്ജലീന പങ്കുവച്ച കത്ത്.
തനിക്ക് ലഭിച്ച കത്തിനെക്കുറിച്ച് ആന്ജലിന ജോളി സമൂഹമാധ്യമത്തില് കുറിച്ചത് ഇങ്ങനെ: ‘അഫ്ഗാനിസ്ഥാനിലെ ഒരു പെണ്കുട്ടി എനിക്ക് അയച്ച കത്താണിത്. അവള് ആരാണെന്ന് ഞാന് വെളിപ്പെടുത്തുന്നില്ല. താലിബാന് ഭരണം ഏറ്റെടുത്തതോടെ അവള്ക്ക് സ്കൂളില് പോകാന് സാധിച്ചിട്ടില്ല’- ആന്ജലിന ജോളി കുറിച്ചു. കുറിപ്പിനൊപ്പം ആന്ജലിന തനിക്ക് ലഭിച്ച കത്തിന്റെ ചിത്രവും പങ്കുവച്ചു.
കത്തിലെ വാക്കുകള്: ‘ഒരു സ്ത്രീ എന്ന നിലയില് എന്റെ സംസാരിക്കാനുളള അവകാളം പോലും നിഷേധിക്കപ്പെട്ടിരിക്കുന്നു. സ്ത്രീകളുടെ അവകാശങ്ങള് കാറ്റില്പ്പറത്തിയ അവര് ഈ രാജ്യത്ത് ഒന്നും ചെയ്യാന് ഞങ്ങളെ അനുവദിക്കുന്നില്ല. സ്ത്രീകളുടെ സ്വാതന്ത്ര്യത്തിനുവേണ്ടി ശബ്ദം ഉയര്ത്തിയ രണ്ടു സ്ത്രീകളെ കുറച്ചു ദിവസം മുന്പ് താലിബാന് അറസ്റ്റ് ചെയ്തു. ഇത് ഞങ്ങളുടെ അവസാനമാണ്. സ്ത്രീ എന്ന നിലയില് എനിക്ക് ഇനി ഒരിക്കലും പുറത്ത് ഇറങ്ങാന് സാധിക്കില്ല. ഒരു പെണ്കുട്ടിയു എന്ന നിലയില് അംസാരിക്കാനും സാധിക്കില്ല’.
അഫ്ഗാനിസ്ഥാനില് എന്താണ് സംഭവിക്കുന്നതെന്ന് ദയവായി മറ്റുളളവര് ശ്രദ്ധിക്കണമെന്നും ആന്ജലീന ജോളി ആവശഇപ്പെട്ടു. അഫ്ഗാനിസ്ഥാനിലെ സ്ത്രീകശളയും കുട്ടികളെയും മറക്കരുതെന്നും താരം ആവശ്യപ്പെട്ടു. താലിബാന് ഭരണം ഏറ്റെടുത്തമതാടെ സ്ത്രീകളുടെ സഞ്ചാര സ്വാതന്ത്ര്യം പോലും വിലക്കിയിരിക്കുന്നു. 42 മൈലില് കൂടുതല് ദുരം സഞ്ചരിക്കണമെങ്കില് പുരുഷന്മാര് കൂടെ വേണം എന്നരീതിയിലുളള നിയമവും പ്രാബല്യത്തില് വന്നു.
