ഏഷ്യാനെറ്റിലെ സൂപ്പര്ഹിറ്റ് പരമ്പരയാണ് കുംടുംബവിളക്ക്. ഈ സീരിയലിലെ ഡോക്ടര് അനന്യ എന്ന കഥാപാത്രത്തിലൂടെ പ്രേഷക പ്രശംസ നേടി എടുത്ത നടിയാണ് ആതിര മാധവ്. ഒരൊറ്റ സീരിയലിലൂടെ തന്നെ ടെലിവിഷന് പ്രേക്ഷകരുടെ പ്രിയങ്കരിയായി മാറിയെങ്കിലും ഗര്ഭിണി ആയതോടുകൂടി ആതിരയ്ക്ക് സീരിയലില് നിന്ന് പിന്മാറി വേണ്ടി വന്നു.
ഇപ്പോള് ഗര്ഭകാലം ആസ്വദിക്കുന്നതിന്റെ സന്തോഷത്തിലാണ് നടി. സീരിയലില് അഭിനയിക്കുന്ന കാലത്തും യൂട്യൂബ് ചാനലിലൂടെ ഓരോ വിശേഷങ്ങളും ആതിര പങ്കുവെക്കാറുണ്ട്. ഏറ്റവും പുതിയതായി നിറവയറില് ഡാന്സ് കളിക്കുന്ന വീഡിയോയും കൊണ്ടാണ് നടി എത്തിയിരിക്കുന്നത്. ഇളയദളപതി വിജയിയുടെ ഹിറ്റ് പാട്ടിനൊപ്പമുള്ള ഡാന്സ് വീഡിയോയ്ക്ക് നടി നല്കിയ ക്യാപ്ഷനും അതിന് താഴെ വന്നിരിക്കുന്ന കമന്റുകളുമാണ് ശ്രദ്ധേയം.
സോഷ്യല് മീഡിയയില് വൈറലാവുന്ന റീല്സുകളെല്ലാം തന്നെ ചെയ്യാറുളള താരമാണ് ആതിര. ഇടയ്ക്ക് ഭര്ത്താവ് രാജീവും ഉണ്ടാവും. ഇത്തവണ ഭര്ത്താവിന്റെ ആഗ്രഹപ്രകാരമുളള വീഡിയോയുമായിട്ടാണ് നടി എത്തിയത്. അറബിക് കുത്ത്, ഹലാമിത്തി ഹബ്ബി എന്ന വൈറല് ഡാന്സാണ് ആതിര കളിച്ചത്. അതേസമയം വിജയ് ആരാധകര് എന്നെ തെറി പറയേണ്ടതില്ലെന്നും ഇതിന്റെ പൂര്ണ ഉത്തരവാദി തന്റെ ഭര്ത്താവ് ആണെന്നുമാണ് നടി പറഞ്ഞത്.
