തെലുങ്ക് ഷോർട്ട് ഫിലിം ‘മാനസനമഹ’ ഗിന്നസ് വേൾഡ് റെക്കോർഡിൽ ഇടം നേടി. ഏറ്റവും കൂടുതൽ അവാർഡുകൾ കരസ്ഥമാക്കിക്കൊണ്ടാണ്
ഈ ഹ്രസ്വചിത്രം ഈ ചരിത്ര നേട്ടം കൈവരിച്ചിരിക്കുന്നത്. ഗിന്നസ് വെബ്സൈറ്റ് പരിശോധിച്ചാൽ, ലോകമെമ്പാടുമുള്ള 513 അവാർഡുകൾ മാനസനമഹ നേടിയിട്ടുണ്ട്. അദിവി ശേഷ്, സുകുമാർ തുടങ്ങി നിരവധി പ്രമുഖർ ചിത്രത്തെക്കുറിച്ചും അണിയറപ്രവർത്തകരുടെ നേട്ടങ്ങളെക്കുറിച്ചും പ്രശംസിച്ചു.
വിരാജ് അശ്വിൻ, ദൃഷിക ചന്ദർ, വള്ളി രാഘവേന്ദർ, പൃഥ്വി ശർമ്മ, സത്യ വർമ്മ, ദീപക് വർമ്മ എന്നിവർ ഉൾപ്പെടുന്ന ഒരു റൊമാന്റിക് കോമഡിയാണ് മാനസനമഹ. തെലുങ്കിൽ ചിത്രീകരിച്ച ചിത്രം തമിഴ്, മലയാളം, ഹിന്ദി, കന്നഡ ഭാഷകളിലേക്കും മൊഴിമാറ്റം ചെയ്തിട്ടുണ്ട്.
ഇന്ത്യൻ ഫിലിം ഫെസ്റ്റിവൽ ഓഫ് മെൽബൺ, ബെംഗളൂരു ഇന്റർനാഷണൽ ഷോർട്ട് ഫിലിം ഫെസ്റ്റിവൽ, സാൻ ഫ്രാൻസിസ്കോ ഫ്രോസൺ ഫിലിം ഫെസ്റ്റിവൽ തുടങ്ങി നിരവധി ചലച്ചിത്ര മേളകളിൽ ഹ്രസ്വചിത്രം പ്രദർശിപ്പിച്ചിട്ടുണ്ട്. 2020ൽ പുറത്തിറങ്ങിയ മാനസനമഹ 513 അവാർഡുകളാണ് നേടിയത്.
അദിവി ശേഷും പുഷ്പ സംവിധായകൻ സുകുമാറും മാനസനമഹ ടീമിനെ അഭിനന്ദിച്ചു. "പ്രിയ ദീപു, എന്തൊരു അസാമാന്യ നേട്ടം. ഗെയിം മാറ്റുന്ന ഷോർട്ട് ഫിലിം. മേജറിന്റെ വിതരണക്കാരൻ എന്നതിലുപരി നിങ്ങളെ ഒരു സുഹൃത്ത് എന്ന് വിളിക്കുന്നതിൽ എനിക്കും സന്തോഷമുണ്ട്. നിങ്ങൾ ഞെട്ടുന്നത് വരെ എനിക്ക് കാത്തിരിക്കാനാവില്ല" എന്ന് അദിവി ശേഷ് ട്വിറ്ററിൽ കുറിച്ചു. മൻസനമഹയെ ഫീച്ചർ ഫിലിമാക്കി മാറ്റാൻ പദ്ധതിയുണ്ടെന്ന് സംവിധായകൻ ദീപക് റെഡ്ഡി വെളിപ്പെടുത്തി.
Dear Deepu, what a phenomenal achievement. A game changing short film. I also have the pleasure of calling you a friend as well as the distributor of #Major :) I can’t wait for you to shake the world with a feature film! #Manasanamaha https://t.co/aCYiZYXjlI
— Adivi Sesh (@AdiviSesh) June 26, 2022
