കൊല്ലം : സംസ്ഥാന യുവജന കമ്മീഷന് അദ്ധ്യക്ഷ ചിന്ത ജെറോമിന്റെ പേരില് വീണ്ടും വിവാദം. വന് തുക മുടക്കി രണ്ട് വര്ഷത്തോളമായി കൊല്ലം തങ്കശ്ശേരിയിലെ നക്ഷത്ര ഹോട്ടലില് താമസിച്ചെന്ന ആരോപണവുമായി യൂത്ത് കോണ്ഗ്രസ് രംഗത്ത് വന്നു. ചിന്തയുടെ സാമ്പത്തിക സ്രോതസ് പരിശോധിക്കണമെന്ന് യൂത്ത കോണ്ഗ്രസ് സംസ്ഥാന സെക്രട്ടറി വിഷ്ണു സുനില് പന്തളം പരാതി നല്കി.
വിഷയത്തില് വിജലന്സ്, എന്ഫോഴ്സ്മെന്റ ഡയറക്ടര്മാര്ക്കാണ് പരാതി സമര്പ്പിച്ചിരിക്കുന്നത്. സീസണില് പ്രതിദിനം 8500 വാടക വരുന്ന റിസോര്ട്ടില് താമസിച്ചെന്നും ഒന്നേമുക്കല് വര്ഷമായി 38 ലക്ഷം രൂപയാണ് റിസോര്ട്ടിന് ചിന്ത നല്കിയതെന്നുമാണ് ആരോപണം. സീസണ് സമയത്ത് 8500 രൂപ വരെ പ്രതിദിനം വാടക വരുന്ന മൂന്ന് ബെഡറും അപ്പാര്ടമെന്റിന് സാധാരണ ദിവസങ്ങളില് നല്കേണ്ടത് 5500 രൂപയാണ്. 18 ശതമാനം ജിഎസ്ടിയും ഉള്പ്പെടെ പ്രതിദിനം 6490 രൂപയാണ് ചിന്ത നല്കിയെന്നും പരാതിയില് ചൂണ്ടിക്കാട്ടി.
ഈ തുക എവിടെ നിന്നു ഉണ്ടായതെന്ന് അന്വേഷിക്കണം എന്നാണ് പരാതിയില് പറയുന്നത്. അതേ സമയം അമ്മയുടെ ചികിത്സാ ആവശ്യങ്ങള്ക്ക് വേണ്ടിയാണ് റിസോര്ട്ടിലെ അപാര്ട്ട്മെന്റില് താമസിച്ചതെന്നാണ് ചിന്തയുടെ ന്യായീകരണം. ചെമ്മാന് മുക്കിലെ സ്വന്തം വീട്ടില് അറ്റാച്ഡ് ബാത്ത്റൂം ഉള്പ്പെടെ സൗകര്യങ്ങള് ഇല്ലായിരുന്നു. ആയുര്വേദ കേന്ദ്രത്തില് താന് ഇല്ലെങ്കിലും അമ്മയെ പരിചരിക്കാന് ആളുകള് ഉണ്ടായിരുന്നു.
ചികിത്സയക്ക് ശേഷം സ്വന്തം വീട്ടിലേയക്ക് മാറിയെന്നും ചിന്ത ജെറോം പറഞ്ഞു. യുവജന കമ്മീഷന് അദ്ധ്യക്ഷ എന്ന നിലയില് ഉയര്ന്ന ശമ്പളം വാങ്ങിയതും ,ഗവേഷണ പ്രബന്ധത്തിലെ വിവാദ പരാമാര്ശങ്ങള് തുടങ്ങിയവയെ സംബന്ധിച്ചുളള വിവാദങ്ങളില് ചിന്തയ്ക്ക് എതിരേ കടുത്ത പ്രതിഷേധം ഉയര്ന്നിരുന്നു. ഇതിന് പിന്നാലെയാണ് ചിന്തക്കെതിരെ അടുത്ത പരാതി വന്നിരിക്കുന്നത്.
