2023 എന്ന വര്ഷം മമ്മൂട്ടിയുടെ സിനിമ ജീവിതത്തിലെ നാഴിക കല്ലായി മാറിയ വര്ഷമായിരുന്നു. തുടര്ച്ചയായി ഹിറ്റുകള് സമ്മാനിച്ച നടന്റെ ഒരുപിടി പ്രൊജക്റ്റുകള് അണിയറയില് ഉണ്ട്. ഭീഷ്മപര്വ്വം, റോഷാക്ക് തുടങ്ങിയ മമ്മൂട്ടി ചിത്രങ്ങള് യുവതലമുറകള്ക്കിടയില് കോളിളക്കം തന്നെ സൃഷ്ടിച്ചിരുന്നു. ഇപ്പോള് പുറത്ത് വരുന്ന റിപ്പോര്ട്ടുകള് പ്രകാരം മമ്മൂട്ടി എഡിറ്ററും സംവിധായകനുമായ മഹേഷ് നാരായണനൊപ്പം ഒന്നിക്കാന് ഒരുങ്ങുകയാണ്.
മഹേഷ് മമ്മൂട്ടിയെ നേരിട്ട് കണ്ട് പുതിയ പ്രൊജക്റ്റിനേക്കുറിച്ച് സംസാരിച്ചു കഴിഞ്ഞുവെന്നാണ് റിപ്പോര്ട്ടുകള്. സ്റ്റോറിലൈന് ഇഷ്ടപ്പെട്ട നടന് തിരക്കഥയുമായി മുന്നോട്ട് പോകാന് പറഞ്ഞതായാണ് വിവരം. മഹേഷ് കമല് ഹാസനൊപ്പം സിനിമ ചെയ്യാന് ഒരുങ്ങുന്നതായി റിപ്പോര്ട്ടുകള് ഉണ്ടായിരുന്നു. ഈ ചിത്രത്തില് മറ്റൊരു മുന്നിര നടന് സുപ്രധാന കഥാപാത്രമാകുമെന്നും വാര്ത്തകള് ഉണ്ടായിരിന്നു. അതേ ചിത്രത്തിന് വേണ്ടിയാണ് മഹേഷ് നാരായണന് മമ്മൂട്ടിയെ സമീപിച്ചത് എന്നാണ് ലഭിക്കുന്ന വിവരം.
