രാജ്യത്ത് ഒരു മാസത്തിനിടെ നഷ്ടമായത് 24 കടുവകളാണ്. ഇത്രയും അധികം കടുവകളെ നഷ്ടമായത് ജനുവരി ഒന്നിനും ഫെബ്രുവരി എട്ടിനുമിടയലാണ്. മൂന്ന് വര്‍ഷത്തിനിടെ ജനുവരി മാസത്തില്‍ ഇത്രയധികം കടുവകള്‍ ചത്തൊടുങ്ങുന്നതും ഇതാദ്യമാണ്. മധ്യപ്രദേശിലാണ് ഈ വര്‍ഷം ഏറ്റവുമധികം കടുവകള്‍ ചത്തൊടുങ്ങിയത്.
കടുവകള്‍ ചത്തൊടുങ്ങിയ കണക്കില്‍ രണ്ടാം സ്ഥാനത്തുള്ളത് മഹാരാഷ്ടയാണ്. മഹാരാഷ്ട്രയില്‍ ആറ് കടുവകളെ നഷ്ടമായപ്പോള്‍ കേരളത്തിലും അസമിലും ഒരു കടുവ വീതം നഷ്ടമായി. രാജസ്ഥാന്‍ (3), കര്‍ണാടക (2), ഉത്തരാഖണ്ഡ് (2) എന്നിങ്ങനെ പോകുന്നു കണക്കുകള്‍.
പ്രകൃതായുളള കാരണങ്ങളാണ് ഏറിയ പങ്കും വരുന്ന കടുവകളുടെ മരണത്തിന് പിന്നിലെന്നാണ് കണക്കാക്കപ്പെടുന്നത്.
കടുവകള്‍ തമ്മിലുള്ള ഏറ്റുമുട്ടല്‍, പ്രായാധിക്യം പോലെയുള്ളവ പ്രധാന കാരണങ്ങളാണ്. 3000 കടുവകളാണ് രാജ്യത്താകെ ഉളളതെന്ന് കണക്കാക്കപ്പെടുന്നു. വേട്ടയാടല്‍ മരണത്തിന് കാരണമാകുന്നുണ്ടോയെന്നും അന്വേഷിക്കുന്നുണ്ട്.
Comments