കേരളത്തിന് പിന്നാലെ ആര്ത്തവ അവധിയുമായി യൂറോപ്യന് രാജ്യവും. ആര്ത്തവ അവധി അവകാശമാക്കി നിയമം പാസാക്കിയിരിക്കുകയാണ് ഇപ്പോള് യൂറോപ്യന് രാജ്യമായ സ്പെയിന്. വനിത മുന്നേറ്റത്തിന്റെ ചരിത്രപരമായ നിമിഷമാണിതെന്ന് സ്പെയിന് മന്ത്രി ഐറിന് മൊണ്ടേറോ പറഞ്ഞു. ഇതോടെ ആര്ത്തവ അവധി നിയമപരമാക്കിയ ആദ്യ യൂറോപ്യന് രാജ്യമാവുകയാണ് സ്പെയിന്.
തൊഴിലാളി സംഘടനകള്ക്കും, രാഷ്ട്രീയ പാര്ട്ടികള്ക്കും , പൊതുജനങ്ങള്ക്കും ഇടയില് വിശദമായ ചര്ച്ചകള്ക്ക് വിധേയമാക്കിയ ശേഷമാണ് വിഷയം പാര്ലമെന്റിലെത്തിയത്. 85 അംഗങ്ങള് കരടുനിയമത്തെ അനുകൂലിച്ചപ്പോള് 154 പേര് ഇതിനെ എതിര്ത്തു. നിയമം രാജ്യത്ത് സ്ത്രീകള്ക്ക് ജോലി ലഭിക്കുന്നതിന് തടസ്സമാകുമെന്നാണ് നിയമത്തെ എതിര്ക്കുന്നവര് ചൂണ്ടിക്കാട്ടിയത്.
ഓരോ സ്ത്രീയിലും ആര്ത്തവ ദിനങ്ങള് വ്യത്യാസപ്പെടുന്നതിനാല് എത്ര ദിവസം അവധി നല്കാം എന്നതിനെപ്പറ്റി നിയമത്തില് വ്യക്തമാക്കിയിട്ടില്ല. മൂന്നിലൊന്ന് സ്ത്രീകളും ആര്ത്തവകാലത്ത് കഠിനമായ വേദനകളും അസ്വസ്ഥതകളും അനുഭവിക്കുന്നുണ്ടെന്നാണ് സ്പാനിഷ് ഗൈനക്കോളജി സൊസൈറ്റി ചൂണ്ടിക്കാട്ടുന്നത്.
നിലവില് ആര്ത്തവകാലത്ത് ശമ്പളത്തോടെയുള്ള അവധി നിയമവിധേയമാക്കിയിരിക്കുന്നത് ഇന്തോനേഷ്യ, സാംബിയ, ജപ്പാന് തുടങ്ങിയ രാജ്യങ്ങളാണ് . ഈ പട്ടികയിലാണ് ആദ്യ യൂറോപ്യന് രാജ്യമായ സ്പെയിനും ഇടംപിടിക്കുന്നത്.
