ബോളിവുഡ് താരം ശ്രീദേവി വിട പറഞ്ഞിട്ട് അഞ്ച് വര്ഷം തികയുകയാണ്. ഫെബ്രുവരി 24 നായിരുന്നു താരം ഈ ലോകത്തോട് വിട പറഞ്ഞത്. ഇപ്പോഴിതാ അമ്മയുടെ ചരമവാര്ഷികത്തിന് മുന്നോടിയായി മകള് ജാന്വി കപൂര് പങ്കുവെച്ച കുറിപ്പാണ് സോഷ്യല് മീഡിയയില് ശ്രദ്ധ നേടുന്നത്.
‘ഞാന് ഇപ്പോഴും നിങ്ങളെ എല്ലായിടത്തും തിരയുകയാണമ്മേ, നിങ്ങള് എന്നെ ചൊല്ലി അഭിമാനിക്കുമെന്ന പ്രതീക്ഷയോടെ എനിക്ക് ചെയ്യാനാവുന്നതെല്ലാം ഞാന് ചെയ്യുന്നു. ഞാന് പോകുന്നിടത്തെല്ലാം , ഞാന് ചെയ്യുന്നതെല്ലാം അത് ആരംഭിക്കുന്നതും അവസാനിക്കുന്നതും നിങ്ങളിലാണ് ’ശ്രീദേവിക്കൊപ്പമുളള ചിത്രം പങ്കുവെച്ച് ജാന്വി കുറിച്ചു.
2018 ല പുറത്തിറങ്ങിയ ധടക് എന്ന ചിത്രത്തിലൂടെയായിരുന്നു ജാന്വി അഭിനയരംഗത്തേക്കെത്തിയത്. ശ്രീദേവിയുടെ മരണത്തിന് ശേഷം ഏതാനും മാസങ്ങള്ക്ക് ശേഷമായിരുന്നു ചിത്രം പുറത്തിറങ്ങിയത്. പിന്നീട് ഗുഞ്ചന് സക്സേന, ദി കാര്ഗില് ഗേള്, റൂഹി, ഗുഡ് ലക്ക് ജെറി, മിലി തുടങ്ങി നിരവധി ചിത്രങ്ങളില് ജാന്വി അഭിനയിച്ചിട്ടുണ്ട്. നിതേഷ് തിവാരിയുടെ ബവാല് ആണ് ജാന്വിയുടെ അടുത്തചിത്രം.
