ഉപതെരഞ്ഞെടുപ്പില്‍ യുഡിഎഫിന് നേട്ടം; എല്‍ഡിഎഫ് ആറ് സീറ്റുകള്‍ നഷ്ടപ്പെട്ടു, തിരഞ്ഞെടുപ്പ് നില ഇങ്ങനെ

തിരുവനന്തപുരം: സംസ്ഥാനത്തെ 28 തദ്ദേശ വാര്‍ഡുകളിലേക്ക് നടന്ന ഉപതിരഞ്ഞെടുപ്പില്‍ യുഡിഎഫിന് നേട്ടം. എല്‍ഡിഎഫിന് ആറ് സീറ്റുകള്‍ നഷ്ടമായി. അഞ്ച് സീറ്റുകള്‍ യുഡിഎഫും ഒരു സീറ്റ് ബിജെപിയും പിടിച്ചെടുത്തു. അതേസമയം എല്‍ഡിഎഫ് 13 സീറ്റുകള്‍ നിലനിര്‍ത്തിയപ്പോള്‍ ഒരെണ്ണം മാത്രമാണ് പിടിച്ചെടുത്തത്. തിരുവനന്തപുരം കടയ്ക്കാവൂര്‍ പഞ്ചായത്തിലെ നിലയ്ക്കാമുക്ക് വാര്‍ഡാണ് എല്‍ഡിഎഫ് യുഡിഎഫില്‍ നിന്നും പിടിച്ചെടുത്തത്.കോട്ടയം എരുമേലി പഞ്ചായത്തില്‍ എല്‍ഡിഎഫിന് ഭരണം നഷ്ടമായി. ഒരു സീറ്റ് പുതുതായി വിജയിച്ച് ബിജെപിയും നേട്ടമുണ്ടാക്കി. 3 ഗ്രാമ പഞ്ചായത്ത് വാര്‍ഡുകളിലേക്കും 2 നഗരസഭ വാര്‍ഡുകളിലേക്കും ഓരോ ജില്ലാ പഞ്ചായത്ത്, കോര്‍പറേഷന്‍ ഡിവിഷന്‍ വാര്‍ഡ്, ബ്ലോക്ക് പഞ്ചായത്ത് വാര്‍ഡ് എന്നിവിടങ്ങളിലേക്കുമായിരുന്നു തെരഞ്ഞെടുപ്പ് നടന്നത്. 74.38 ശതമാനമാണ് പോളിംഗ്. കാസര്‍ഗോഡ്, ഇടുക്കി ജില്ലകള്‍ ഒഴികെ മറ്റ് 12 ജില്ലകളില്‍ നിന്നായി 97 സ്ഥാനാര്‍ഥികളാണ് ജനവിധി തേടിയത്

കണ്ണൂര്‍

ജില്ലയില്‍ ഉപതെരഞ്ഞെടുപ്പ് നടന്ന മൂന്നിടത്തും എല്‍ഡിഎഫ് വാര്‍ഡ് നിലനിര്‍ത്തി. ശ്രീകണ്ഠാപുരം നഗരസഭയില്‍ കോട്ടൂര്‍ വാര്‍ഡ്. മയ്യില്‍ പഞ്ചായത്ത് എട്ടാം വാര്‍ഡ്,പേരാവൂര്‍ ഗ്രാമപഞ്ചായത്ത് ഒന്നാം വാര്‍ഡ് എന്നിവടങ്ങളിലാണ് ഉപതെരഞ്ഞെടുപ്പ് നടന്നത്. കോട്ടൂര്‍ വാര്‍ഡില്‍ എല്‍ഡിഎഫ് സ്ഥാനാര്‍ത്ഥി കെസി അജിത 189 വോട്ടിന് വിജയിച്ചു. കോണ്‍ഗ്രസില്‍ നിന്നും കെ സവിതയും ബിജെപി സ്ഥാനാര്‍ത്ഥിയായി ടിഒ ഇന്ദിരയുമാണ് മത്സരിച്ചത്.

15ാം വാര്‍ഡില്‍ രണ്ട് ബൂത്തുകളിലായിട്ടായിരുന്നു വോട്ടെടുപ്പ് നടന്നത്. ഒന്നാം ബുത്തില്‍ ആസിയക്കായിരുന്നു മുന്‍തൂക്കം. ആസിയക്ക് 337 വോട്ടുകള്‍ ലഭിച്ചപ്പോള്‍ പി മുംതാസ് 325 വോട്ട് നേടി.ബൂത്ത് രണ്ടില്‍ എല്‍ഡിഎഫ് സ്ഥാനാര്‍ത്ഥി 250 വോട്ടും യുഡിഎഫ് സ്ഥാനാര്‍ത്ഥി 430 വോട്ടും നേടി. തെരഞ്ഞെടുപ്പ് ഫലം പുറത്ത് വന്നതിന് പിന്നാലെ പഞ്ചായത്തില്‍ പ്രവര്‍ത്തകര്‍ ആഹ്ലാദ പ്രകടനം നടത്തി.

ആകെയുള്ള 1532 വോട്ടര്‍മാരില്‍ 1376 പേര്‍ വോട്ട് രേഖപ്പെടുത്തിയിരുന്നു. 638 പുരുഷ വോട്ടര്‍മാരും 738 സ്ത്രീ വോട്ടര്‍മാരും വോട്ട് ചെയ്തിരുന്നു. ബിജെപി സ്ഥാനാര്‍ത്ഥിയായി കെ എം ശലീന മത്സരിച്ചെങ്കിലും മുന്നേറ്റം ഉണ്ടാക്കാനായില്ല. യുഡിഎഫ്, എല്‍ഡിഎഫ് സ്ഥാനാര്‍ത്ഥികള്‍ക്ക് രണ്ട് വീതം അപര സ്ഥാനാര്‍ത്ഥികളും മത്സര രംഗത്തുണ്ടായിരുന്നു. പഞ്ചായത്ത് പ്രസിഡന്റായിരുന്ന സിപിഐയിലെ രാധയുടെ മരണത്തെ തുടര്‍ന്നാണ് ഉപതെരഞ്ഞെടുപ്പ് വേണ്ടി വന്നത്.

.മയ്യില്‍ പഞ്ചായത്തിലെ വള്ളിയോട് വാര്‍ഡില്‍ എല്‍ഡിഎഫ് സ്ഥാനാര്‍ത്ഥി ഇ പി രാജന്‍ 301 വോട്ടുകള്‍ക്ക് വിജയിച്ചു. 1335 വോട്ടുകളാണ് ആകെയുള്ളത്. ഇതില്‍ 1049 വോട്ടുകള്‍ പോള്‍ ചെയ്തതില്‍ 656 വോ്ട്ട് എല്‍ഡിഎഫും 366 വോട്ട് യുഡിഎഫും നേടി. ബിജെപി 38 വോട്ട് മാത്രമാണ് ലഭിച്ചത്.പേരാവൂര്‍ ഗ്രാമപഞ്ചായത്ത് ഒന്നാം വാര്‍ഡില്‍ എല്‍ഡിഎഫ് സ്ഥാനാര്‍ത്ഥി ടി രഗിലാഷ് 146 വോട്ടിന് വിജയിച്ചു. ആകെ 521 വോട്ടാണ് എല്‍ഡിഎഫ് നേടിയത്. യുഡിഎഫ് സ്വതന്ത്രന്‍ -375 ,എന്‍ഡിഎ- 253 സ്വതന്ത്രസ്ഥാനാര്‍ത്ഥികളായ കെ പി സുഭാഷ് 11, സുഭാഷ് കക്കണ്ടി 2 വോട്ട് നേടി.

വയനാട്

ബത്തേരി നഗരസഭ പാളാക്കര ഡിവിഷനില്‍ നടന്ന ഉപതെരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥിക്ക് വിജയം. യുഡിഎഫ് സ്വതന്ത്ര സ്ഥാനാര്‍ത്ഥിയായി മത്സരിച്ച കെ എസ് പ്രമോദ് 204 വോട്ടുകള്‍ക്ക് വിജയിച്ചു. സിപിഐഎം കൗണ്‍സിലറായിരുന്ന കെ എസ് പ്രമോദ് രാജി വെച്ച ഒഴിവിലേക്കാണ് തെരഞ്ഞെടുപ്പ് നടന്നത്. രാജിവെച്ച പ്രമോദ് ഉപതെരഞ്ഞെടുപ്പില്‍ യുഡിഎഫ് സ്വതന്ത്രനായി മത്സരിക്കുകയായിരുന്നു. പികെ ദാവുദായിരുന്നു എല്‍ഡിഎഫ് സ്ഥാനാര്‍ത്ഥി

കോഴിക്കോട്

ചെറുവണ്ണൂര്‍ ഗ്രാമപഞ്ചായത്തില്‍ നടന്ന ഉപതെരഞ്ഞെടുപ്പില്‍ യുഡിഎഫിന് അട്ടിമറി വിജയം. പതിനഞ്ചാം വാര്‍ഡിലേക്ക് നടന്ന ഉപതെരഞ്ഞെടുപ്പില്‍ യുഡിഎഫ് വിജയിച്ചതോടെ പഞ്ചായത്ത് ഭരണം നിലനില്‍ത്തി. മുസ്ലീം ലീഗ് സ്ഥാനാര്‍ത്ഥി പി മുംതാസ് 168 വോട്ടിന്റെ ഭൂരിപക്ഷത്തിലാണ് വിജയിച്ചത്. എല്‍ഡിഎഫിന്റെ സിറ്റിംഗ് സീറ്റാണിത്.യുഡിഎഫ് സ്ഥാനാര്‍ത്ഥി മുംതാസിന് 755 വോട്ടുകളും എല്‍ഡിഎഫ് സ്ഥാനാര്‍ത്ഥി കെസി ആസ്യയ്ക്ക് 587 വോട്ടുകളുമാണ് ലഭിച്ചത്. 15ാം വാര്‍ഡില്‍ രണ്ട് ബൂത്തുകളിലായിട്ടായിരുന്നു വോട്ടെടുപ്പ് നടന്നത്. ഒന്നാം ബുത്തില്‍ ആസിയക്കായിരുന്നു മുന്‍തൂക്കം. ആസിയക്ക് 337 വോട്ടുകള്‍ ലഭിച്ചപ്പോള്‍ പി മുംതാസ് 325 വോട്ട് നേടി.ബൂത്ത് രണ്ടില്‍ എല്‍ഡിഎഫ് സ്ഥാനാര്‍ത്ഥി 250 വോട്ടും യുഡിഎഫ് സ്ഥാനാര്‍ത്ഥി 430 വോട്ടും നേടി. തെരഞ്ഞെടുപ്പ് ഫലം പുറത്ത് വന്നതിന് പിന്നാലെ പഞ്ചായത്തില്‍ പ്രവര്‍ത്തകര്‍ ആഹ്ലാദ പ്രകടനം നടത്തി. ബിജെപി സ്ഥാനാര്‍ത്ഥിയായി കെ എം ശലീന മത്സരിച്ചെങ്കിലും മുന്നേറ്റം ഉണ്ടാക്കാനായില്ല. യുഡിഎഫ്, എല്‍ഡിഎഫ് സ്ഥാനാര്‍ത്ഥികള്‍ക്ക് രണ്ട് വീതം അപര സ്ഥാനാര്‍ത്ഥികളും മത്സര രംഗത്തുണ്ടായിരുന്നു. പഞ്ചായത്ത് പ്രസിഡന്റായിരുന്ന സിപിഐയിലെ രാധയുടെ മരണത്തെ തുടര്‍ന്നാണ് ഉപതെരഞ്ഞെടുപ്പ് വേണ്ടി വന്നത്.

മലപ്പുറം

ജില്ലയില്‍ ഉപതെരഞ്ഞെടുപ്പ് നടന്ന നാലിടത്തും യുഡിഎഫ് വിജയിച്ചു. രണ്ട് വീതം സീറ്റിലാണ് കോണ്‍ഗ്രസും മുസ്ലീം ലീഗും വിജയിച്ചത്. മൂന്ന് സീറ്റ് യുഡിഎഫ് നിലനിര്‍ത്തിയപ്പോള്‍ തിരുന്നാവായയില്‍ ഇടത്കോട്ട തകര്‍ത്ത് സീറ്റ് പിടിച്ചെടുക്കുകയായിരുന്നു. എന്നാല്‍ എവിടേയും ഭരണമാറ്റമില്ല.ഉപതെരഞ്ഞെടുപ്പില്‍ എആര്‍ നഗറില്‍ ഏഴാം വാര്‍ഡ് കോണ്‍ഗ്രസിലെ പി കെ ഫിര്‍ദൗസ് വിജയിച്ചു. കരുളായി പഞ്ചായത്തില്‍ 12 വാര്‍ഡുകളില്‍ കോണ്‍ഗ്രസിലെ സുന്ദരന്‍ കരുവാടനും ഊരകം പഞ്ചായത്തിലെ അഞ്ചാം വാര്‍ഡില്‍ മുസ്ലീം ലീഗിലം സമീറ കരിമ്പനും വിജയിച്ചു.

പാലക്കാട്

ജില്ലയില്‍ അഞ്ചിടത്താണ് ഉപതെരഞ്ഞെടുപ്പ് നടന്നത്. തൃത്താല പഞ്ചായത്തില്‍ വരണ്ടുകുറ്റിക്കടവ് നാലാം വാര്‍ഡ് യുഡിഎഫ് പിടിച്ചെടുത്തു. യുഡിഎഫ് സ്ഥാനാര്‍ഥി പിവി മുഹമ്മദാലിയാണ് വിജയിച്ചത്. നേരത്തെയുണ്ടായിരുന്ന എല്‍ഡിഎഫ് മെമ്പറുടെ നിര്യാണത്തെ തുടര്‍ന്നാണ് തെരെഞ്ഞെടുപ്പ് നടന്നത്. 255 വോട്ടിന്റെ ഭൂരിപക്ഷത്തിലാണ് വിജയം.വെള്ളിനേഴി ഗ്രാമപഞ്ചായത്തിലെ കാന്തലൂര്‍ ഉപതെരഞ്ഞെടുപ്പില്‍ സിപിഐഎം സിറ്റിംഗ് സീറ്റ് നിലനിര്‍ത്തി. 392 വോട്ടിന്റെ ഭൂരിപക്ഷത്തില്‍ പിആര്‍ സുധയാണ് വിജയിച്ചത്.ആനക്കര പഞ്ചായത്തിലെ ഏഴാം വാര്‍ഡ് യുഡിഎഫ് നിലനിര്‍ത്തി. 234 വോട്ടിന്റെ ഭൂരിപക്ഷത്തില്‍ മലമല്‍ക്കാവിലെ യുഡിഎഫ് സ്ഥാനാര്‍ത്ഥി പി ബഷീറാണ് വിജയിച്ചത്.കടമ്പഴിപ്പുറം പഞ്ചായത്തിലെ 17 ാം വാര്‍ഡില്‍ എല്‍ഡിഎഫ് സ്ഥാനാര്‍ത്ഥി കുളക്കുഴി ബാബു സീറ്റ് നിലനിലനിര്‍ത്തി.ആലത്തൂര്‍ ഡിവിഷന്‍ ഉപതിരഞ്ഞെടുപ്പില്‍ എല്‍ഡിഎഫ് സ്ഥാനാര്‍ത്ഥി പി എം അലി 7794 വോട്ടുകള്‍ക്ക് വിജയിച്ചു. എല്‍ഡിഎഫ് സിറ്റിംഗ് സീറ്റ് ആണ്.

ആലപ്പുഴ

ജില്ലയില്‍ തണ്ണീര്‍മുക്കത്ത് ബിജെപിയുടെ ബിപി ബിനു 83 വോട്ടിന് വിജയിച്ചു. ബിജെപി സിറ്റിംഗ് സീറ്റാണിത്. എടത്വയിലെ തായങ്കരി വെസ്റ്റില്‍ സിപിഐഎമ്മിന്റെ വിനിത ജോസഫ് വിജയിച്ചു.

കോട്ടയം

കോട്ടയം പാലാ കടപ്ലാമറ്റം പന്ത്രണ്ടാം വാര്‍ഡ് എല്‍ഡി എഫില്‍ നിന്ന് യുഡിഎഫ് പിടിച്ചെടുത്തു.എരുമേലിയിലെ ഒഴക്കനാട് വാര്‍ഡില്‍ യുഡിഎഫ് സ്ഥാനാര്‍ത്ഥി അനിതാ സന്തോഷ് വിജയിച്ചു. എല്‍ഡിഎഫിലെ പുഷ്പാ ബാബുവിനെതിരെ 232 വോട്ടുകളുടെ ഭൂരിപക്ഷത്തിലാണ് വിജയം. ഇതോടെ എല്‍ഡിഎഫിന് പഞ്ചായത്ത് ഭരണം നഷ്ടപ്പെട്ടു.

കൊല്ലം

ജില്ലയില്‍ കൊല്ലം കോര്‍പ്പറേഷനില്‍ ആര്‍എസ്പിക്ക് വിജയം. ആര്‍എസ്പിയുടെ ദീപു ഗംഗാധരന്‍ 638 വോട്ടുകള്‍ക്ക് വിജയിച്ചു. എല്‍ഡിഎഫിന്റെ സിറ്റിംഗ് സീറ്റാണ് ആര്‍എസ്പി പിടിച്ചെടുത്തത്.കോര്‍പ്പറേഷനിലെ മൂന്നാം ഡിവിഷനായ മീനത്തുചേരി വാര്‍ഡില്‍ നടന്ന ഉപതെരഞ്ഞെടുപ്പിലാണ് എല്‍ഡിഎഫിനെ പരാജയപ്പെടുത്തി ആര്‍എസ്പി വിജയിച്ചത്.

എല്‍ഡിഎഫിലെ സന്ധ്യ രാജു നീലകണ്ഠനെയാണ് ദീപു പരാജയപ്പെടുത്തിയത്.ഇതിനുപുറമേ ഇടമുളയ്ക്ക് പഞ്ചായത്തിലെ തേവര്‍തോട്ടം വാര്‍ഡിലും വിളക്കുടി പഞ്ചായത്തിലെ കുന്നിക്കോട് വാര്‍ഡിലും എല്‍ഡിഎഫ് വിജയിച്ചു. സിപിഐഎമ്മിലെ പി അനില്‍ കുമാര്‍ 262 വോട്ടിനാണ് തേവര്‍തോട്ടത്തില്‍ വിജയിച്ചത്. ഇവിടെ ബിജെപി രണ്ടാമതെത്തിയപ്പോള്‍ കോണ്‍ഗ്രസ് സ്ഥാനാര്‍ത്ഥി മൂന്നാം സ്ഥാനത്തേക്ക് പോയി. വിളക്കുടിയില്‍ എല്‍ഡിഎഫിന്റെ എന്‍ അനില്‍കുമാര്‍ വിജയിച്ചു. 241 വോട്ടുകള്‍ക്കാണ് വിജയം.

പത്തനംതിട്ട

കല്ലൂപ്പാറ പഞ്ചായത്ത് ഏഴാം വാര്‍ഡില്‍ എന്‍ഡിഎക്ക് അട്ടിമറി വിജയം. ഉപതെരഞ്ഞെടുപ്പിലൂടെ എല്‍ഡിഎഫില്‍ നിന്ന് എന്‍ഡിഎ സീറ്റ് പിടിച്ചെടുത്തു. ബിജെപി സ്ഥാനാര്‍ത്ഥി രാമചന്ദ്രന്‍ 93 വോട്ടുകള്‍ക്ക് വാര്‍ഡില്‍ വിജയിച്ചു. ഭരണകക്ഷിയായ എല്‍ഡിഎഫ് രണ്ടാം സ്ഥാനത്തും യുഡിഎഫ് മൂന്നാം സ്ഥാനത്തുമെത്തി. ഇന്ന് രാവിലെ 10 ന് ഗ്രാമപഞ്ചായത്ത് ഓഫീസില്‍ നടന്ന വോട്ടെണ്ണലിലാണ് എന്‍ഡിഎ സ്ഥാനാര്‍ത്ഥിയുടെ അപ്രതീക്ഷിത വിജയം.. യുഡിഎഉ് 7, എല്‍ഡിഎഫ് 5, ബിജെപി 2 എന്നിങ്ങനെയാണ് നിലവിലെ കക്ഷിനില. വിജയിച്ച എന്‍ഡിഎ സ്ഥാനാര്‍ത്ഥി 454 വോട്ടുകള്‍ നേടിയപ്പോള്‍ എല്‍ഡിഎഫ് സ്ഥാനാര്‍ത്ഥി 361 വോട്ടുകളും യുഡിഎഫ് സ്ഥാനാര്‍ത്ഥിക്ക് 155 വോട്ടുകളും ലഭിച്ചു.

തിരുവനന്തപുരം

തിരുവനന്തപുരം കടയ്ക്കാവൂര്‍ ഗ്രാമപഞ്ചായത്ത് 12ാം വാര്‍ഡ് എല്‍ ഡി എഫ് പിടിച്ചെടുത്തു. എല്‍ ഡി എഫിലെ ബീനാ രാജീവാണ് വിജയിച്ചത്.132 വോട്ടുകളുടെ ഭൂരിപക്ഷത്തിന് യുഡിഎഫ് സ്ഥാനാര്‍ഥി സുനിതയെ പരാജയപ്പെടുത്തി. യുഡിഎഫ് മെമ്പറായിരുന്ന ബീനാ രാജീവ് രാജിവച്ച് സിപിഐഎമ്മില്‍ ചേരുകയായിരുന്നു.