രാജ്യത്ത് വീണ്ടും കോവിഡ് വര്ദ്ധിച്ചുവരികയാണ്. കോവിഡ് മഹാമാരിയില് നിന്നും മുക്തി നേടി വരികയായിരുന്നു ലോകം. എന്നാല് ഇപ്പോള് വീണ്ടും രാജ്യത്ത് കോവിഡ് പിടിപെട്ടുകൊണ്ടിരിയ്ക്കുകയാണ്. എന്നാല് നിലവിലെ സാഹചര്യത്തില് ആന്റിബയോട്ടിക്കുകളുടെ ഉപയോഗത്തില് നിയന്ത്രണം ഏര്പ്പെടുത്തണമെന്നും, ആന്റിബയോട്ടിക്കുകള് ബാക്ടീരിയല് അണുബാധയാണെന്ന് പരിശോധിച്ച് ഉറപ്പുവരുത്താതെ ഉപയോഗിക്കരുതെന്നും കര്ശനനിര്ദേശവുമായി ഐ.സി.എം.ആര്. കൂടാതെ ഉപയോഗിക്കാന് പാടില്ലാത്ത ആന്റിബയോട്ടിക്കുകളുടെ പട്ടികയും ഐ.സി.എം.ആര് പുറത്തുവിട്ടിട്ടുണ്ട്. അഞ്ചുദിവസത്തില് കൂടുതല് നീണ്ടുനില്ക്കുന്ന പനി, ചുമ, ശ്വാസംമുട്ട് എന്നിവ കണ്ടാല് ഉടനടി വൈദ്യസഹായം തേടണം.
അസിത്രോമൈസിന്, മോള്നുപിരാവിര്, ലോപിനാവിര്-റിറ്റോണാവിര്, ഹൈഡ്രോക്സിക്ലോറോക്വിന്, ഡോക്സിസൈക്ലിന്, ഐവര്മെക്റ്റിന്, കോണ്വാലെസെന്റ് പ്ലാസ്മ, ഫാവിപിരാവിര്, എന്നിവയാണ് വിലക്കേര്പ്പെടുത്തിയ ആന്റിബയോട്ടിക്കുകള്.
കോവിഡ് വീണ്ടും കൂടുന്നതിനാല് പ്രത്യേക ജാഗ്രത പുലര്ത്തണമെന്ന നിര്ദ്ദേശവും ഐ.സി.എം.ആര് മുന്നോട്ടുവെയ്ക്കുന്നു. മറ്റ് വൈറല്ബാധയുള്ള രോഗികളില് കോവിഡ് ഗുരുതരമാകാനുള്ള സാധ്യതയുണ്ട്. പൊതു ഇടങ്ങളില് മാസ്ക് ധരിക്കുന്നതുള്പ്പെടെയുള്ള മറ്റുമാര്ഗനിര്ദേശങ്ങള് കര്ശനമായി പാലിക്കുക
