ഫോട്ടോഷൂട്ട് എന്നത് ഇപ്പോള് കേട്ട് കേള്വിയില്ലാത്ത ഒരു കാര്യമല്ല. വിവഹം, പിറന്നാള്, ഗര്ഭകാലം തുടങ്ഹി എല്ലാ വിശേഷ അവസരങ്ങളിലും ഫോട്ടോഷൂട്ട് നടത്താറുണ്ട്. അവ സോഷ്യല് മീഡിയയില് പങ്കിടാറുമുണ്ട്. എന്നാല് ഇപ്പോള് ശ്രദ്ധനേടുന്നത് വ്യത്യസ്തമായ ഒരു ഫോട്ടോഷൂട്ടാണ്. ലോറെന് ബ്രൂക്ക് എന്ന യുവതി തന്റെ വിവാഹമോചനം ആഘോഷമാക്കിയത് ഫോട്ടോഷൂട്ട് നടത്തി സോഷ്യല് മീഡിയയില് പങ്കുവച്ചുകൊണ്ടായിരുന്നു . അമ്മയുടേയും സുഹൃത്തുക്കളുടേയും സഹായത്തോടെയായിരുന്നു ഈ ഫോട്ടോഷൂട്ട്.
ഫോട്ടോയുടെ പോസുകള് വ്യത്യസ്തമാണ് . വിവാഹത്തിന് ധരിച്ച വസ്ത്രം കത്തിച്ചുകളയു്നനതും, ഫ്രെയിം ചെയ്ത വിവാഹഫോട്ടോ ചവിട്ടി പൊട്ടിക്കുന്നതും ആല്ബത്തിലെ ഫോട്ടോ കീറിക്കളയുന്നതുമെല്ലാമാണ്. അവര് കൈയില് ഡിവേഴ്സ് എന്നെഴുതിയ ബാന്ഡും പിടിച്ചട്ടുണ്ട്. ഈ ചിത്രങ്ങള് പങ്കുവച്ചിരിക്കുന്നത് ലോറെന് ബ്രൂക്ക് തന്റെ ഇന്സ്റ്റഗ്രാം പേജിലൂടെയാണ്.
'കഴിഞ്ഞ വര്ഷം പ്രതിസന്ധികള് നിറഞ്ഞതായിരുന്നു. പക്ഷേ ഞാന് ആ കാലം അതിജീവിച്ചിരിക്കുന്നു. എന്നെകൊണ്ട് ഒരിക്കലും സാധിക്കില്ല എന്ന് വിചാരിച്ചിരുന്ന കാര്യമാണ് ഞാന് ചെയ്തത്. അതിന്റെ ഓര്മപ്പെടുത്തലാണ് ഈ ഫോട്ടോഷൂട്ട്.' ചിത്രങ്ങള്ക്കൊപ്പം ബ്രൂക്ക് കുറിച്ചു. നിരവധി പ്രതികരണങ്ങളാണ് ഇതിനെ താഴെ എത്തുന്നത്.
