മലയാളികള്ക്ക് ഏറെ പ്രിയപ്പെട്ട സംവിധായകനാണ് ബ്ലെസി. ഇപ്പോളിതാ അദ്ദേഹത്തിനോടൊപ്പം സിനിമ ചെയ്യാനുള്ള ആഗ്രഹം പ്രകടപ്പിച്ചിരിക്കുകയാണ് നടന് വിക്രം. അത്തരമൊരു സിനിമ പദ്ധതിയിട്ടിരുന്നുവെങ്കിലും മറ്റ് തിരക്കുകളാല് നടന്നില്ലെന്നും വിക്രം പറഞ്ഞു. 'പൊന്നിയിന് സെല്വന് 2' പ്രൊമോഷന്റെ ഭാഗമായി കഴിഞ്ഞ ദിവസം കൊച്ചിയില് താരങ്ങള് എത്തിയിരുന്നു.
താരം മാധ്യമങ്ങളോട് സംവാദിക്കുന്നതിനിടെയാണ് ഈ കാര്യം വ്യക്തമാക്കിയത്. ബ്ലെസിയുടെ ആടുജീവിതം പാര്ട്ട് 2ല് താന് ആടായിട്ടായിരിക്കും വരുമെന്ന് പറഞ്ഞത് വേദിയിലുണ്ടായിരുന്നവരുടെയും കാണികളുടെയും ഇടയില് ചിരി പടര്ത്തി. വളരെ പ്രഗത്ഭനായ സംവിധായകനാണ് ബ്ലെസി , അദ്ദേഹത്തിന്റെ സിനിമകളും വളരെ ഗംഭീരമാണ്.
ബ്ലെസിയുടെ ആദ്യ സിനിമ കണ്ടപ്പോള് തന്നെ അദ്ദേഹത്തിനോടൊപ്പം ഒരു സിനിമ ചെയ്യണമെന്ന് ഞാന് ആഗ്രഹിച്ചിരുന്നു. അതുമായി ബന്ധപ്പെട്ട് കുറച്ചധികം പദ്ധതികളും ഉണ്ടായിരുന്നു. എന്നാല് ആ സമയത്ത് മറ്റ് സിനിമകളുടെ തിരക്കകുള് വന്നതുകൊണ്ട് സാധിക്കാതെ പോയി. ആടുജീവിതത്തിന്റെ രണ്ടാം ഭാഗത്തില് ഞാന് ഉണ്ടാകും. ഞാന് ആടായിട്ട് വരും'. എന്നാണ് താരം തമാശ രൂപത്തില് പറഞ്ഞത്.
