പച്ചക്കറികടയില് നിന്ന് മാങ്ങ മോഷ്ടിച്ച സിവില് പൊലീസ് ഓഫീസര് പി വി ഷിഹാബിനെ പിരിച്ചുവിട്ട സംഭവത്തിനു ശേഷം വീണ്ടുമിതാ ഒരു മാങ്ങാ കേസു കൂടി. പണം നല്കാതെ ഉയര്ന്ന പോലീസ് ഉദ്യോഗസ്ഥരുടെ പേരില് മാങ്ങ വാങ്ങി മുങ്ങിയ പൊലീസുകാരനെതിരെ പരാതി. ഒരു മാസം മുന്പ് 5 കിലോ പഴുത്ത മാങ്ങ പോത്തന്കോട് കരൂര് ക്ഷേത്രത്തിന് സമീപം ജി. മുരളീധരന്റെ ഉടമസ്ഥതയിലുള്ള എം.എസ്. സ്റ്റാഴ്സ് എന്ന കടയില് നിന്നാണ് വാങ്ങിയാണ് പോലീസുകാരന് മുങ്ങിയത്.
കഴക്കൂട്ടം അസി. കമ്മീഷ്ണറുടെയും പോത്തന്കോട് ഇന്സ്പെക്ടറുടെയും പേര് പറഞ്ഞാണ് കടയില് നിന്നും മാങ്ങ വാങ്ങി പണം നല്കാതെ മുങ്ങിയത്. ഇപ്പോള് പൊലീസ് ഉദ്യാഗസ്ഥനെതിരെ അന്വേഷണം നടക്കുന്നുണ്ട്. അഞ്ചു കിലോ മാങ്ങ രണ്ട് കവറുകളിലായാണ് പൊലീസുകാരന് വാങ്ങിയത്.
കഴക്കൂട്ടം അസി. കമ്മീഷണര്ക്കും പോത്തന്കോട് സി.ഐക്കുമാണ് മാങ്ങ വാങ്ങിയത് എന്ന് പൊലീസുകാരന് കടക്കാരനെ ധരിപ്പിച്ചു. പണം പീന്നീട് നല്കാമെന്ന് പറഞ്ഞ് അയാള് കടയില് നിന്നും പോയി. എന്നാല് പിന്നീട് പൊലീസ് ഉദ്യാഗസ്ഥരെ കണ്ട് കടക്കാരന് കാര്യം തിരക്കിയപ്പോഴാണ് തന്നെ പറ്റിയ്ക്കുകയായിരുന്നു എന്ന് മനസ്സിലായത്. തുടര്ന്ന് പോലീസില് തന്നെ പരാതി കൊടുത്തു.
പോത്തന്കോട് ഇന്സ്പെക്ടര് ഡി. മിഥുന് സ്ഥലത്തെത്തി അന്വേഷണം നടത്തി. പരാതിയുടെ അടിസ്ഥാനത്തില് മാങ്ങ വാങ്ങിയ പോപൊലീസ് ഉദ്യോഗസ്ഥനെതിരെ അന്വേഷണം ആരംഭിച്ചു. മാങ്ങ വാങ്ങിയ പൊലീസുകാരനെ തിരിച്ചറിഞ്ഞതായാണ് സൂചന. സംഭവത്തില് രഹസ്യ അന്വേഷണ വിഭാഗവും അന്വേഷണം ആരംഭിച്ചു.
