ബാംഗ്ലൂര്‍ എംജി റോഡ് ഇന്ത്യയിലെ മികച്ച 30 ഹൈ സ്ട്രീറ്റ് ലൊക്കേഷനുകളില്‍ ഒന്നാം സ്ഥാനം നേടി. പ്രോപ്പര്‍ട്ടി കണ്‍സള്‍ട്ടന്‍സിയായ 'നൈറ്റ് ഫ്രാങ്ക് ഇന്ത്യ' (Knight Frank India) കഴിഞ്ഞ ആഴ്ച പുറത്തിറക്കിയ ഫ്ലാഗ്ഷിപ്പ് റീട്ടെയില്‍ റിപ്പോര്‍ട്ടിലാണ് രാജ്യത്തെ ഏറ്റവും മികച്ച 30, ഹൈ സ്ട്രീറ്റ് ലൊക്കേഷനുകളില്‍ ബാംഗ്ലൂര്‍ എംജി റോഡ് ഒന്നാം സ്ഥാനത്ത് എത്തിയത്. ഹൈദരാബാദിലെ സോമാജിഗുഡയും മുംബൈയിലെ ലിങ്കിംഗ് റോഡും രണ്ടാം സ്ഥാനത്തെത്തിയതായി നൈറ്റ് ഫ്രാങ്ക് റിപ്പോര്‍ട്ട് ചെയ്യുന്നു. ഡല്‍ഹിയിലെ സൗത്ത് എക്സ്റ്റന്‍ഷന്‍ (ഭാഗം 1, ഭാഗം 2) നാലാം സ്ഥാനത്താണ്. ഉയര്‍ന്ന സ്ട്രീറ്റുകള്‍ ഉപഭോക്താക്കള്‍ക്ക് നല്‍കുന്ന അനുഭവത്തിന്റെ ഗുണനിലവാരം നിര്‍ണ്ണയിക്കുന്ന പാരാമീറ്ററുകളെ അടിസ്ഥാനമാക്കിയുള്ളതാണ് റാങ്കിംഗ്.
ആഗോളതലത്തില്‍, നഗരങ്ങളെ പ്രശസ്തമാക്കുന്നത് പലപ്പോഴും അവയുടെ ഹൈ സ്ട്രീറ്റുകളുടെ പ്രത്യേകതകള്‍ മുഖേനെയാണ്. ഈ ഹൈ സ്ട്രീറ്റുകള്‍ പലപ്പോഴും നഗരത്തിന്റെ പ്രധാന ആകര്‍ഷണങ്ങളിലൊന്നാണ്, ഒരു ആഗോള പ്ലാറ്റ്ഫോമില്‍ ഈ ഹൈ സ്ട്രീറ്റ് ബ്രാന്‍ഡുകള്‍ നഗരത്തിന്റെ മൂല്യത്തിന്റെ ബാരോമീറ്റര്‍ ആകുന്നു. എന്ന് ' നൈറ്റ് ചെയര്‍മാനും മാനേജിംഗ് ഡയറക്ടറുമായ ശിശിര്‍ ബൈജല്‍ പറഞ്ഞു.
ഒരു പട്ടണത്തിലെ പ്രധാന തെരുവ്, പ്രത്യേകിച്ച് ബ്രാന്‍ഡ്ഡ് ഷോപ്പുകള്‍, ബാങ്കുകള്‍, മറ്റ് ബിസിനസ് കേന്ദ്രങ്ങള്‍, സാംസ്‌കാരിക ഇടങ്ങള്‍ എന്നിവയ്ക്കുള്ള പരമ്പരാഗത തെരുവുകളെ ആണ് ഹൈ സ്ട്രീറ്റ് ലൊക്കേഷന്‍ എന്നതുക്കൊണ്ട് അര്‍ത്ഥമാക്കുന്നത്. ഇന്ത്യയിലെ ഏറ്റവും മികച്ച ആദ്യ 10 ഹൈ സ്ട്രീറ്റുകളില്‍ നാലെണ്ണവും ബെംഗളൂരു നഗരത്തിലാണ് സ്ഥിതി ചെയ്യുന്നത് (എംജി റോഡ് കൂടാതെ ബ്രിഗേഡ് റോഡ്, ചര്‍ച്ച് സ്ട്രീറ്റ്, കൊമേഴ്സ്യല് സ്ട്രീറ്റ്). കിരാന ഷോപ്പുകള്‍ മുതല്‍ ആധുനിക റീട്ടെയില്‍ മേഖലകള്‍ വരെയുള്ള റീട്ടെയില്‍ ഷോപ്പുകളുടെ പ്രധാന ഭൂപ്രകൃതിയാണ് ഈ തെരുവുകള്‍.
പാര്‍ക്കിംഗ്, പൊതുഗതാഗതം, ശരാശരി വ്യാപാരസാന്ദ്രത, സ്റ്റോര്‍ ദൃശ്യപരത, ചിലവിന്റെ ഘടകങ്ങള്‍ എന്നിവയാണ് റാങ്കിംഗിന്റെ അഞ്ച് പാരാമീറ്ററുകള്‍. ഇതിനെ അടിസ്ഥാനമാക്കിയാണ് റാങ്കിംഗ് നല്‍കിയിരിയ്ക്കുന്നത്.
ഇന്ത്യയിലെ മികച്ച 10 ഹൈ സ്ട്രീറ്റുകള്‍ ഇതാണ്:
1.എംജി റോഡ്- ബെംഗളൂരു
2.സോമാജിഗുഡ- ഹൈദരാബാദ്
3.ലിങ്കിംഗ് റോഡ്- മുംബൈ
4.സൗത്ത് എക്സ്റ്റന്‍ഷന്‍- I & II- ഡല്‍ഹി
5.പാര്‍ക്ക് & കാമാക് സ്ട്രീറ്റ്- കൊല്‍ക്കത്ത
6.അണ്ണാനഗര്‍- ചെന്നൈ
7.കൊമേഴ്സ്യല് സ്ട്രീറ്റ്- ബെംഗളൂരു
8.സെക്ടര്‍ 18 മാര്‍ക്കറ്റ്- നോയിഡ
9.ബ്രിഗേഡ് റോഡ്- ബെംഗളൂരു
10.ചര്‍ച്ച് സ്ട്രീറ്റ്- ബെംഗളൂരു
Comments