വീട് പൂട്ടി ബന്ധുവീടുകളിലെക്കോ മറ്റോ പോയി തിരികെ വരുമ്പോള് സമ്പാദ്യം നഷ്ടപ്പെട്ടു പോയ ദുരനുഭവങ്ങള് പലര്ക്കും നേരിടേണ്ടി വന്നിട്ടുണ്ട്. ഇത്തരത്തില് അടച്ചിട്ട വീടുകള്ക്ക് സുരക്ഷയൊരുക്കുകയാണ് കേരള പോലീസിന്റെ പോല് ആപ്പ്.
വീടുപൂട്ടി യാത്ര പോകുന്നവര്ക്ക് ഈ വിവരം പോലീസിനെ അറിയിക്കാന് ഈ ഔദ്യോഗിക മൊബൈല് ആപ്പ് സഹായിക്കും. ഇതുവരെ ഏഴായിരത്തിന് മുകളില് ആളുകളാണ് ഈ സൗകര്യം വിനിയോഗിച്ചത്. അവധിക്കാലത്തും വാരാന്ത്യങ്ങളിലും വീട് പൂട്ടി നാട്ടിലും മറ്റും യാത്ര പോകുന്നവര്ക്ക് അക്കാര്യം പൊലീസിനെ അറിയിക്കാനുള്ള സൗകര്യമാണ് ആപ്പില് ഉള്ളത്.
ഈ ആപ്പിലൂടെ വീടിന്റെ വിലാസം നല്കിയാല് ആ പ്രദേശങ്ങളില് പോലീസിന്റെ പ്രത്യേക നിരീക്ഷണങ്ങളും പെട്രോളിങ്ങും ലഭ്യമാകും. ഇതുവരെ ഏഴ് ലക്ഷത്തിന് മുകളില് ആളുകള് ഈ ആപ്പ് ഡൗണ്ലോഡ് ചെയ്ത് കഴിഞ്ഞു.
