പാറ്റ്ന: വിവാഹം കഴിഞ്ഞ് രണ്ടാം ദിവസം തന്നെ ഭര്ത്താവിന്റെ സ്വകാര്യാവയവത്തില് കുത്തി പരിക്കേല്പ്പിച്ചു. പാറ്റ്ന നഗരത്തിലെ ഒരു ഹോട്ടലില് നടന്ന സംഭവത്തില് റജിസ്റ്റര് മാര്യേജ് നടത്തി ഹോട്ടലില് താമസിക്കുന്നതിനിടയില് ഇരുവരും യുവാവിന്റെ വീട്ടുകാര് തീരുമാനിച്ച വിവാഹത്തെ ചൊല്ലി കലഹിക്കുകയായിരുന്നു. സീതാമര്ഹിയില് നിന്നുള്ള സിആര്പിഎഫ് ജവാനായ സൂര്യഭൂഷന് കുമാറിനായിരുന്നു ഈ ദുരനുഭവം.
ഇയാളുടെ ഭാര്യ നേഹാകുമാരിയെ പോലീസ് അറസ്റ്റ് ചെയ്തു. ഇരുവരും പ്രണയത്തിലായിരുന്നു. എന്നാല് സൂര്യഭൂഷന്റെ വിവാഹം വീട്ടുകാര് മറ്റൊരു പെണ്കുട്ടിയുമായി തീരുമാനിച്ച് ഉറപ്പിക്കുകയും ചെയ്തിരുന്നു. ജൂണ് 3 ന് യുവാവ് നാട്ടിലെത്തിയത് മുതല് വീട്ടുകാര് തീരുമാനിച്ച വിവാഹം മുടക്കി തന്നെ വിവാഹം കഴിക്കണമെന്ന് ആവശ്യപ്പെട്ട് യുവതി സമ്മര്ദ്ദത്തിലാക്കി. തുടര്ന്ന് യുവതിയുമായി ജൂണ് 5 ന് റജിസ്റ്റര് വിവാഹം നടത്തുകയും ചെയ്തു. എന്നാല് തന്റെ വിവാഹം മറ്റൊരു പെണ്ണുമായി നടക്കേണ്ടതായിരുന്നു എന്നും വശീകരിച്ച് യുവതി സ്വന്തമാക്കിയെന്നും യുവാവ് നടത്തിയ പരാമര്ശത്തില് ഇരുവരും വഴക്കു പിടിക്കുകയും അത് കയ്യാങ്കളിയിലേക്ക് നീങ്ങുകയും ചെയ്തു. ഇതിനിടയില് വിവാഹത്തില് നിന്നും യുവാവ് പിന്മാറാന് ശ്രമിച്ചു.
ഇതോടെ യുവതി കോപാകുലയാകുകയും യുവാവിനെ കൊന്ന് താന് ആത്മഹത്യ ചെയ്യുമെന്ന് ഭീഷണി മുഴക്കുകയും ചെയ്തു. കലഹം കയ്യേറ്റമായി മാറിയതോടെ യുവതി ഒരു കത്തിയെടുത്ത് യുവാവിന്റെ സ്വകാര്യഭാഗത്ത് കുത്തുകയും ചെയ്തു. ആക്രമണത്തിന് പിന്നാലെ യുവാവ് മുറിക്ക് പുറത്തേക്ക് ഓടുകയും ഹോട്ടല് സ്റ്റാഫുകളെ വിവരം അറിയിക്കുകയും ചെയ്തു. യുവതിയെ പിന്നീട് പോലീസ് അറസ്റ്റ് ചെയ്തു. അന്വേഷണം നടക്കുകയാണ്.
