റഷ്യയില് പ്രസിഡന്റ് വ്ളാഡിമര് പുടിനുമായി ബന്ധപ്പെട്ടവരുടെ നിഗൂഡമരണങ്ങള് തുടരുന്നു. ഈ പട്ടികയില് ഏറ്റവും പുതിയതായി എത്തിയത് റഷ്യന് നേതാക്കളിലെ ഗ്ളാമര് പുത്രിമാരുടെ പട്ടികയലുള്ള നതാലിയ ബൊക്കാരേവയാണ്. വ്ളാഡിമര് പുടിന്റെ ഏറ്റവും അടുത്ത അനുയായികളില് ഒരാളുടെ മകളായ ബൊക്കരേവ ശാരീരിക അസ്വസ്ഥതയെന്ന് പറഞ്ഞതിന് പിന്നാലെ സ്വന്തം അപ്പാര്ട്ട്മെന്റില് മരിക്കുകയായിരുന്നു.
അപ്പാര്ട്ട്മെന്റ് ബലമായി തുറന്ന പോലീസുകാരാണ് ബൊക്കരേവയെ മരിച്ച നിലയില് കണ്ടെത്തിയത്. കഴിഞ്ഞ ദിവസം തനിക്ക് ശാരീരികമായി സുഖം തോന്നുന്നില്ലെന്ന് 44 കാരി പറഞ്ഞിരുന്നു. അതേസമയം അക്രമത്തിന് ഇരയായതായി കണ്ടെത്താനായിട്ടില്ല. റഷ്യയിലെ പ്രമുഖര് പെട്ടെന്ന് മരണമടയുന്ന പ്രവണതയിലെ ഏറ്റവും പുതിയ ആഴാണ് ബൊക്കരേവ.
വ്ളാഡിമര് പുടിന്റെ ഏറ്റവും അടുപ്പക്കാരില് ഒരാളായി 1998 മുതല് 2015 വരെ കഴിഞ്ഞ അന്തരിച്ച പ്രമുഖന് വാസിലി ബൊക്കാരേവിന്റെ മകളാണ് നതാലിയ ബൊക്കാരേവ്. റഷ്യയിലെ പ്രമുഖ കാര്ഷിക സാമ്പത്തീക മേഖലയായ പെന്സാ ഒബ്ളാസ്റ്റിലെ ഭരണാധികാരിയായിരുന്നു വാസിലി ബൊക്കാരേവ്. ഭരണത്തില് നിന്നും ഇറങ്ങി ഒരു വര്ഷം കഴിഞ്ഞപ്പോള് ശ്വാസകോശാര്ബുദം ബാധിച്ച് 67 കാരനായ വാസിലി മരണമടഞ്ഞിരുന്നു.
പിതാവിന്റെ മരണശേഷം കുടുംബത്തിന്റെ ബേക്കറി ബിസിനസ് നതാലിയ നടത്തി. എന്നാല് രണ്ടുവര്ഷം മുമ്പാണ് ഇവര് ജ്യോതിഷിയുമായി ബന്ധപ്പെട്ട് വിവാദത്തില് കുടുങ്ങിയത്. വീട്ടിലെ ശാപം തീര്ക്കാന് മന്ത്രവാദികയ്ക്ക് 16 ദശലക്ഷം റൂബിള് അയച്ചു. എന്നാല് പണം വാങ്ങിയ ശേഷം ഇയാള് മുങ്ങി. തുടര്ന്ന് പോലീസ് കേസാകുകയും മറ്റും ചെയ്തു. അതേസമയം നതാലിയ ഹൃദ്രോഗി ആയിരുന്നതായി വിവരമുണ്ട്.
അടുത്തിടെ റഷ്യയില് ഉണ്ടായ മറ്റൊരു പ്രമുഖ മരണം ജൂണില് ക്രിസ്റ്റീന ബെയ്ക്കോവ എന്ന 28 കാരിയുടേതായിരുന്നു. ലോക്കോ ബാങ്കിന്റെ വൈസ് പ്രസിഡന്റായിരുന്ന ഇവര് മോസ്കോയിലെ അപ്പാര്ട്ട്മെന്റിന്റെ 11 ാം നിലയില് നിന്നും വീഴുകയായിരുന്നു. ഫെബ്രുവരിയില് റഷ്യന് പ്രതിരോധ ഉദ്യോഗസ്ഥ 58 കാരി മരിനാ യാങ്കിനയും അപ്പാര്ട്ട്മെന്റിലെ ജനാലവഴി താഴെവീണ് മരണമടഞ്ഞിരുന്നു. ഇവര് പ്രതിരോധ മന്ത്രാലയത്തിന്റെ സാമ്പത്തീക പിന്തുണ നല്കുന്ന വകുപ്പിന്റെ തലൈവിയായിരുന്നു. റഷ്യയുടെ യുദ്ധത്തിന് സാമ്പത്തീകം നല്കുന്നതിലെ പ്രധാന ആളായിരുന്നു യാങ്കിന. ഇവരുടെ മരണം ആത്മഹത്യയായി സംശയിക്കുന്നു.
മെയ് മാസം റഷ്യയുടെ ഡെപ്യൂട്ടി ശാസ്ത്ര മന്ത്രി പ്യോട്ടര് കുച്ചെരെങ്കോ മരണമടഞ്ഞിരുന്നു. റഷ്യയുടെ യുദ്ധത്തിന്റെയും പുടിന്റെയും കടുത്ത വിമര്ശകനായ കുച്ചെരെങ്കോ അപ്രതീക്ഷിതമായി പെട്ടെന്ന് അസുഖം ബാധിച്ചു മരിക്കുകയായിരുന്നു. ഒരു ജോലിട്രിപ്പുമായി ബന്ധപ്പെട്ട് ക്യൂബയില് നിന്നും റഷ്യയിലേക്ക് വരുമ്പോള് വിമാനത്തില് വെച്ചായിരുന്നു മരണം.
ഏപ്രില് മാസമാണ് റഷ്യന് ഊര്ജ്ജ കമ്പനിയായ യാകുസെനേര്ജയുടെ ഡപ്യൂട്ടി ജനറല് ഡയറക്ടറായ ഇഗോര് ഷ്കുര്ക്കോ മരണമടഞ്ഞത്. ജയിലില് ഇദ്ദേഹത്തെ മരിച്ച നിലയില് കണ്ടെത്തുകയായിരുന്നു. കൈക്കൂലി വിവാദത്തെ തുടര്ന്ന് പുടിന്റെ യുണൈറ്റഡ് റഷ്യ പൊളിറ്റിക്കല് പാര്ട്ടിയുടെ അംഗത്വത്തില് നിന്നും ഇദ്ദേഹത്തെ പുറത്താക്കിയിരുന്നു.
