വാഷിംഗ്ടണ്: ഇന്ത്യയില് മരണാസന്നനായി കിടന്ന ബന്ധുവുമായി വീഡിയോകോളില് ഹിന്ദിയില് സംസാരിച്ചതിന് ഇന്ത്യാക്കാരനായ എഞ്ചിനീയറെ അമേരിക്കയില് ദീര്ഘനാളായി ചെയ്തിരുന്ന ജോലിയില് നിന്നും പുറത്താക്കി. അമേരിക്കന് സ്റ്റേറ്റായ അലബാമയില് മിസൈല് ഡിഫന്സ് കോണ്ട്രാക്ടര് ആയിരുന്ന അനില് വര്ഷ്ണിനാണ് പണി പോയത്.
കഴിഞ്ഞ ഒക്ടോബര് മുതല് പണിയില്ലാതായ ഇദ്ദേഹം കോടതിയില് അന്യായം ഫയല് ചെയ്തിട്ടുണ്ട്. ഹണ്ടസ്വില് മിസൈല് ഡിഫന്സ് കോണ്ട്രാക്ടര് പാര്സണ് കോര്പ്പറേഷനില് സീനിയര് സിസ്റ്റംസ് എഞ്ചിനീയറായിരുന്നു 78 കാരന്. വര്ഷ്ണി ഇന്ത്യയില് രോഗിയായി മരണാസന്നനായി കിടന്ന അളിയനുമായി ടെലിഫോണില് ഹിന്ദിയില് സംസാരിക്കുന്നത് കൂട്ടത്തില് ജോലി ചെയ്യുന്ന ഒരു വെള്ളക്കാരന് കേട്ട് ചാരപ്പണി നടത്തുകയാണെന്ന് സംശയിക്കുകയായിരുന്നു.
2022 സെപ്തംബര് 26 ന് മൂത്ത അളിയന് കെ.സി ഗുപ്തയുടെ വീഡിയോകോള് കിട്ടിയ വര്ഷ്ണി അദ്ദേഹവുമായി മാതൃഭാഷയില് സംസാരിച്ചു. ഏതു നിമിഷവും മരിക്കുമെന്ന് പറഞ്ഞ് കിടക്കുന്ന ബന്ധുവുമായി ഇനി സംസാരിക്കാന് കഴിഞ്ഞില്ലെങ്കിലോ എന്നോര്ത്ത് എടുത്ത വീഡിയോ കോളാണ് വര്ഷ്ണിയ്ക്ക് പ്രശ്നമായതെന്ന് അദ്ദേഹം സമര്പ്പിച്ച ഹര്ജിയില് പറയുന്നു.
പ്രത്യേക ഉപകരണങ്ങളോ ജോലിക്കാരോ മിസൈല് ഡിഫന്സ് ഏജന്സിയിലേക്ക് അതിക്രമിച്ചു കയറാനുള്ള സാഹചര്യങ്ങളോ അടുത്തില്ലെന്ന് ഉറപ്പാക്കി ഒരു രഹസ്യ അറയില് കയറിയാണ് താന് കോള് എടുത്തതെന്നും ഹര്ജിയില് പറയുന്നുണ്ട്. രണ്ടുപേരും വെറും രണ്ടു മിനിറ്റ് മാത്രമാണ് ഹിന്ദിയില് സംസാരിച്ചത്. ഇതിനിടയില് മറ്റേ ജീവനക്കാരന് എത്തി നിങ്ങള് വീഡിയോകോളിലാണോ എന്ന് ചോദിച്ചതോടെ ഇയാള് ഫോണ് കട്ട് ചെയ്തത് മറ്റേയാള്ക്ക് സംശയമായി.
ജോലി പോയതിന് അലബാമയില് ജൂണിലാണ് കേസ് ഫയല് ചെയ്തത്. ഗുപ്ത മരിക്കുന്നതിന് മുമ്പ് വന്ന അവസാന കോളും ഇതായിരുന്നു. എന്നാല് വാര്ഷ്ണേ സംസാരിച്ച ഭാഷ മറ്റേയാള്ക്ക് മനസ്സിലായില്ലെന്നും ഇയാള് ഇതിനെ തെറ്റായ നടപടിയായും സുരക്ഷാവീഴ്ചയായും തെറ്റിദ്ധരിച്ച് വാര്ഷ്ണി രഹസ്യ വിവരം കൈമാറുകയോ സ്വീകരിക്കുകയോ ചെയ്തതായി വിലയിരുത്തി. ഒരു അന്വേഷണവും കൂടാതെയാണ് ഗുരുതരമായ സുരക്ഷാ ലംഘനം നടത്തിയെന്ന് ആരോപിച്ച് തന്നെ പുറത്തായതെന്ന് ഇയാള് ഹര്ജിയില് പറഞ്ഞിട്ടുണ്ട്.
തെറ്റിദ്ധാരണയുടെ പുറത്ത് നടത്തിയ ഇത്തരം ഒരു തെറ്റായ നടപടി തന്റെ കരിയറിനെയും ജീവിതത്തെയും ബാധിക്കുമെന്നും പറഞ്ഞു. 1968-ല് യുഎസിലേക്ക് കുടിയേറിയ വര്ഷണി ഹണ്ട്സ്വില്ലില് താമസമാക്കി. പിന്നീട് അമേരിക്കന് പൗരത്വവും നേടി. ഭാര്യ ശശി 1989 മുതല് നാസയില് ജോലി ചെയ്യുന്നു. സിസ്റ്റംസ് എഞ്ചിനീയറിംഗില് 'ഈ വര്ഷത്തെ കരാറുകാരന്' എന്ന് ഒരിക്കല് പ്രശംസിക്കപ്പെട്ട വര്ഷ്ണി ജോലിയില് തിരിച്ചെടുത്തില്ലെങ്കില് 'ആനുകൂല്യങ്ങള് ഉള്പ്പെടെ മുന്കൂര് ശമ്പളം' ആവശ്യപ്പെട്ടിട്ടുണ്ട്.
