തൊടുപുഴ: സംസ്ഥാന സര്ക്കാര് പ്രഖ്യാപിച്ച കര്ഷകജ്യോതി പുരസ്കാരം ഉടുമ്പന്നൂര് മലയിഞ്ചി സ്വദേശി മുതുപാലക്കല് എം.കെ ബൈജുമോന് ലഭിച്ചു. ഒരു ലക്ഷം രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്കാരം.
പട്ടികജാതി പട്ടികവര്ഗ വിഭാഗത്തില്നിന്നുള്ള മികച്ച കര്ഷകര്ക്കാണ് സംസ്ഥാന കര്ഷകജ്യോതി പുരസ്കാരം ലഭിക്കുക. മലയിഞ്ചിക്ക് സമീപം കൂട്ടിക്കലിലുള്ള തന്റെ മൂന്നേക്കറോളം വരുന്ന പുരയിടത്തിലെ െവെവിധ്യമാര്ന്ന കൃഷി രീതിയാണ് െബെജുമോനെ പുരസ്കാരത്തിന് അര്ഹനാക്കിയത്.
ഇതില് ഏറ്റവും പ്രധാനമായിട്ടുള്ളത് രണ്ടേക്കറോളം സ്ഥലത്തായി കൃഷി ചെയ്തിരിക്കുന്ന 21 ഇനം കുരുമുളക് ചെടിയാണ്. മികച്ച വിളവാണ് ഇവ നല്കുന്നത്. ഇതിന് പുറമേ പരമ്പരാഗതമായുള്ള ഒരേക്കര് റബര്കൃഷിയുമുണ്ട്. പതിറ്റാണ്ടുകളുടെ ശ്രമഫലമായി നട്ട് വളര്ത്തിയ മുപ്പത് തെങ്ങുകളാണ് ബൈജുമോന്റെ പുരയിടത്തിലുള്ളത്. തേങ്ങയിട്ട് ഉണക്കി നാടന് വെളിച്ചെണ്ണ ഉല്പ്പാദിപ്പിക്കുന്നതും െബെജുമോന്റെ രീതിയാണ്.
ഓരോ തവണയുമുള്ള വിളവെടുപ്പിന് വലിയ തോതിലുള്ള വെളിച്ചെണ്ണ ഇത്തരത്തില് ഉല്പാദിപ്പിക്കുന്നുണ്ട്. കൃഷിയിടത്തില് വിവിധയിടങ്ങളിലായി തേനീച്ചവളര്ത്തലുമുണ്ട്. ചെറുതേനും വന്തേനും ഇവിടെ നിന്നും ശേഖരിക്കുന്നു. മത്സ്യ കൃഷിയും െബെജുമോനുണ്ട്. ഗൗര ഇനത്തില്പ്പെട്ട മത്സ്യമാണ് പ്രധാനമായും വളര്ത്തുന്നത്. ഇതിനായി വീടിന് സമീപം വലിയൊരു പടുതാ കുളവും നിര്മിച്ചിട്ടുണ്ട്. വരുമാനത്തിന് പുറമേ വളവും ലക്ഷ്യമിട്ട് തുടങ്ങിയ കാലി വളര്ത്തലും െബെജുമോന് മികച്ച നേട്ടമാണ് നല്കുന്നത്. തൊഴുത്തിലുള്ള രണ്ട് പശുക്കളില് നിന്ന് മാത്രമായി ദിവസേന 23 ലിറ്റര് പാല് ലഭിക്കുന്നു.
വിശാലമായ പുരയിടത്തിലെ ജല സംരക്ഷണമാണ് മറ്റൊരു പ്രത്യേകത. ജലസേചനം ലക്ഷ്യമിട്ട് മൂന്ന് കിണറുകളാണ് പുരയിടത്തില് നിര്മിച്ചിരിക്കുന്നത്. റീ ചാര്ജ് ചെയ്യുന്ന രീതിയിലുള്ള നിര്മാണമായതിനാല് കിണറുകള് എല്ലാ സമയവും ജലസമൃദ്ധമാണ്. മഴവെള്ളം സംഭരിക്കുന്നതിനോടൊപ്പം മണ്ണൊലിപ്പ് തടയുക എന്ന ലക്ഷ്യവുമിട്ട് കൃഷിയിടത്തില് മിക്കയിടത്തും ഇടക്കയ്യാല നിര്മിച്ചിട്ടുണ്ട്.
ഇത്തരം ദീര്ഘ വീക്ഷണ പദ്ധതികള് പ്രാവര്ത്തികമാക്കുന്നതില് കൂടി കൃഷിക്കാവശ്യമായ ജലം സ്വന്തം പുരയിടത്തില് നിന്നുതന്നെ ലഭിക്കുമെന്ന് െബെജുമോന് പറഞ്ഞു. കൃഷിയടത്തില് െബെജുമോന് സഹായവുമായി ഭാര്യ ജിഷയും മക്കളായ ദേവനന്ദ്, ദേവഗംഗയുമുണ്ട്.
