കൊച്ചി: കേരളത്തില് ഭീകരപ്രവര്ത്തനത്തിനു ഗൂഢാലോചന നടത്തിയ ഐ.എസ്. നേതാവ് ദേശീയ അന്വേഷണ ഏജന്സി(എന്.ഐ.എ)യുടെ പിടിയില്. ഐ.എസിന്റെ തൃശൂര് മേഖലാനേതാവ് സയിദ് നബീല് അഹമ്മദിനെയാണു ചെൈന്നയില് അറസ്റ്റ് ചെയ്തതെന്ന് എന്.ഐ.എ. വ്യക്തമാക്കി.
കര്ണാടകത്തിലും തമിഴ്നാട്ടിലും ഒളിവില്ക്കഴിഞ്ഞ നബീല് വ്യാജയാത്രാരേഖകളുമായി നേപ്പാളിലേക്കു കടക്കാനുള്ള ശ്രമത്തിനിടെയാണു പിടിയിലായത്. കേരളത്തിലെ ഭീകരപ്രവര്ത്തനങ്ങള്ക്കു പണം കണ്ടെത്താന് ഇയാള് കൊള്ളയടക്കം നടത്തിയിട്ടുണ്ട്.
കഴിഞ്ഞ ജൂലൈയില് സത്യമംഗലത്തുനിന്ന് അഷ്റഫ് എന്നയാള് പിടിയിലായതോടെയാണു കേരളത്തിലെ ആക്രമണപദ്ധതിയെക്കുറിച്ച് എന്.ഐ.എയ്ക്കു വിവരം ലഭിച്ചത്. നിരവധി രേഖകളും ഡിജിറ്റല് ഉപകരണങ്ങളും നബീലില്നിന്നു പിടിച്ചെടുത്തു.
കേരളത്തിലെ പ്രധാന നഗരങ്ങളില് ഭീകരാക്രമണം നടത്താനുള്ള ഗൂഢാലോചന പാലക്കാടും തൃശൂരും കേന്ദ്രീകരിച്ചാണു നടന്നത്. ധനസമാഹരണവും ഏകോപനവും നിര്വഹിച്ചതു നബീലാണെന്നും എന്.ഐ.എ. അറിയിച്ചു.
