ന്യൂയോര്ക്ക് : ചുംബനത്തിന് പിന്നാലെ യുവതിയെ ഔദ്യോഗിക വാഹനത്തില് കയറ്റിയ യു എസിലെ പൊലീസ് ഉദ്യോഗസ്ഥന് സസ്പെന്ഷന്. യുവതിയെ പൊലീസ് ഉദ്യോഗസ്ഥന് ചുംബിക്കുന്നതിന്റെയും ശേഷം അവര്ക്കൊപ്പം പൊലീസ് വാഹനത്തിന്റെ പിറകിലെ സീറ്റിലേക്ക് കയറുന്നതിന്റെയും വീഡിയോ പ്രചരിച്ചതിന് പിന്നാലെയാണ് നടപടി.
മെരിലാന്ഡ് പ്രിന്സ് ജോര്ജ് കൗണ്ടിയിലെ പോലീസ് ഉദ്യോഗസ്ഥനായ ഫ്രാന്സിസ്കോ മാര്ലെറ്റിനാണ് വൈറല് വീഡിയോയുടെ പേരില് നടപടി നേരിടേണ്ടിവന്നതെന്നാണ് മാധ്യമങ്ങളുടെ റിപ്പോര്ട്ട്. പൊലാസുകാരന്റെ ചുംബന വീഡിയോ കഴിഞ്ഞ ദിവസമായിരുന്നു വൈറലായത്. ഇതോടെ ഉദ്യോഗസ്ഥനെ സസ്പെന്ഡ് ചെയ്തതായും സംഭവത്തില് അന്വേഷണം ആരംഭിച്ചതായും പോലീസ് അറിയിക്കുകയായിരുന്നു. സംഭവവുമായി ബന്ധപ്പെട്ട കൂടുതല്വിവരങ്ങള് അന്വേഷണത്തിന് ശേഷം പുറത്ത് വിടാമെന്നും പൊലീസ് അറിയിച്ചു.
പാര്ക്കില് നിര്ത്തിയിട്ടിരിക്കുന്ന ഔദ്യോഗികവാഹനത്തിന് സമീപത്തുനിന്ന് ഉദ്യോഗസ്ഥനും യുവതിയും പരസ്പരം ചുംബിക്കുന്നതാണ് വൈറല്ദൃശ്യങ്ങളില് ആദ്യമുള്ളത്. ഇതിനുപിന്നാലെ യുവതി കാറിന്റെ വാതില്തുറന്ന് പിറകിലെ സീറ്റിലേക്ക് പ്രവേശിച്ചു. ഒപ്പം പോലീസ് ഉദ്യോഗസ്ഥനും വാഹനത്തില് കയറി. വാഹനത്തില് കയറി വാതിലുകള് അടച്ച ഇരുവരും ഏകദേശം 40 മിനിറ്റിന് ശേഷമാണ് പുറത്തിറങ്ങിയതായിയാണ് വീഡിയോ പകര്ത്തിയ വ്യക്തിയുടെ വെളിപ്പെടുത്തല്. പ്രദേശിക മാധ്യമങ്ങളുടെ റിപ്പോര്്ട്ടുകള് പ്രകാരം യുവതിയും പൊലീസുകാരനും തമ്മിലുള്ള വ്യക്തമല്ലായെന്നാണ്. അതേസമയം, സസ്പെന്ഷനിലായ പോലീസ് ഉദ്യോഗസ്ഥന് മാര്ലെറ്റ് നേരത്തെയും ശിക്ഷാനടപടി നേരിട്ടയാളാണെന്നാണ് വിവരം. മുന് കാമുകിയുടെ കുഞ്ഞിനെ ഉപദ്രവിച്ചതിനും ഗാര്ഹികപീഡനപരാതിയിലും 2016-ല് മാര്ലെറ്റ് സസ്പെന്ഷന് നടപടി നേരിട്ടിരുന്നു.
