കൊച്ചി: രാജ്യാന്തര മയക്കുമരുന്ന് മാഫിയ കൊറിയര് സര്വീസ് മുഖേന ലഹരിക്കടത്ത് വ്യാപകമാക്കിയതോടെ സംസ്ഥാന അേന്വഷണ ഏജന്സികള്ക്കു കേന്ദ്ര ഇന്റലിജന്സ് ബ്യൂറോ(ഐ.ബി)യുടെ അതീവജാഗ്രതാനിര്ദേശം. ആന്ഡമാന് നിക്കോബാര്, ലക്ഷദ്വീപ് എന്നിവിടങ്ങളിലെ ആള്പ്പാര്പ്പില്ലാത്ത ദ്വീപുകളിലെത്തിച്ച് ഒളിപ്പിക്കുന്ന രാസലഹരി പിന്നീട് രാജ്യത്തിന്റെ വിവിധ ഭാഗങ്ങളിലേെക്കത്തിക്കുന്നതില് പ്രധാനമാര്ഗം കൊറിയര് സര്വീസുകളാണ്.
നര്കോട്ടിക് കണ്ട്രോള് ബ്യൂറോ (എന്.സി.ബി) കഴിഞ്ഞമാസവും പാഴ്സല് ലഹരിക്കടത്ത് പിടികൂടിയിരുന്നു. സംസ്ഥാന എക്െസെസ് മഞ്ചേരിയില് മയക്കുമരുന്നുമായി പിടിയിലായവരെ ചോദ്യംചെയ്തപ്പോള് ആന്ഡമാനില്നിന്നു കൊറിയറില് എത്തിയതാണെന്നായിരുന്നു മൊഴി. കൊറിയര് അയച്ച സാദിഖ് ഒളിവിലാണ്. ഭക്ഷ്യോത്പന്നം, കളിപ്പാട്ടം തുടങ്ങിയവയുടെ പായ്ക്കറ്റുകളിലാണു പ്രധാനമായും മയക്കുമരുന്നുകടത്ത്.
ദ്വീപുകളില്നിന്നു വിദ്യാഭ്യാസത്തിനും ജോലിക്കും മറ്റുമായി വന്കരയില് താമസിക്കുന്നവരുടെ ഹോസ്റ്റല് വിലാസത്തിലാണു പലപ്പോഴും പാഴ്സലുകള് അയയ്ക്കുന്നത്. അയച്ചയാളുടെയോ കൈപ്പറ്റുന്നയാളുടെയും ശരിയായ പേരുവിവരങ്ങള് വിലാസത്തിലുണ്ടാകില്ല. അതിനാല് ഇവ കുറച്ചുനാള് പാഴ്സല് സെന്ററുകളില് സൂക്ഷിക്കും. അയച്ചയാളും കൈപ്പറ്റേണ്ടയാളും ആശയവിനിമയം നടത്തുന്നതിനാല് പാഴ്സല് എന്ന് കൊറിയര് കേന്ദ്രത്തിലെത്തുമെന്ന വിവരം ലഭിക്കും. െകെപ്പറ്റേണ്ടയാള് കൊറിയര് സര്വീസില് വിളിച്ചന്വേഷിക്കും.
വിലാസം ശരിയായി പറയുന്നതോടെ പാഴ്സല് കൈമാറും. അതിനാല്, വിലാസം അവ്യക്തമാണെങ്കില് കൈമാറാതെ അനേ്വഷണ ഏജന്സികളെ അറിയിക്കാനാണു കൊറിയര് കമ്പനികള്ക്കു പോലീസും എക്സൈസും നല്കിയിരിക്കുന്ന നിര്ദേശം. കേരളത്തില് പിടികൂടുന്ന എം.ഡി.എം.എ. ഭൂരിഭാഗവും ചെെന്നെ, ബംഗളുരു, ഹൈദരാബാദ് എന്നിവിടങ്ങള് കേന്ദ്രീകരിച്ച് ഇടനിലക്കാര് വഴിയെത്തുന്നതാണ്.
