യുഎഇയില് ഇന്ധനവില ഉയര്ന്നു. ഒക്ടോബര് മാസത്തേക്കുള്ള പുതിയ പെട്രോള്, ഡീസല് വില ഇന്ധനവില നിര്ണയ സമിതിയാണ് പ്രഖ്യാപിച്ചത്. പുതിയ നിരക്കുകള് ഒക്ടോബര് ഒന്ന് മുതല് പ്രാബല്യത്തില് വരും.
സൂപ്പര് 98 പെട്രോള് ലിറ്ററിന് 3.44 ദിര്ഹമാണ് പുതിയ വില. സെപ്തംബറില് ഇത് 3.42 ദിര്ഹം ആയിരുന്നു. സ്പെഷ്യല് 95 പെട്രോള് ലിറ്ററിന് 3.33 ദിര്ഹമാണ് പുതിയ നിരക്ക്. 3.31 ദിര്ഹമായിരുന്നു സെപ്തംബറില്. ഇ പ്ലസ് 91 പെട്രോളിന് ഒക്ടോബര് മുതല് 3.26 ദിര്ഹമാണ് വില. 3.23 ദിര്ഹമായിരുന്നു സെപ്തംബറില്. ഡീസലിന് 3.57 ദിര്ഹമാണ് പുതിയ നിരക്ക്. സെപ്തംബര് മാസത്തില് ഇത് 3.40 ദിര്ഹമായിരുന്നു. പെട്രോളിന് ലിറ്ററിന് രണ്ട് ഫില്സും ഡീസലിന് 17 ഫില്സുമാണ് കൂടിയത്.
