കോട്ടയം ജില്ലയിലെ പാലാ-തൊടുപുഴ സംസ്ഥാന പാതയ്ക്ക് പടിഞ്ഞാറ് നൂറ്റാണ്ടുകളുടെ പഴമയും പ്രതാപവും പേറുന്ന കുറിഞ്ഞിക്കാവ് വനദുര്ഗ്ഗാലയം. ഇവിടെ ക്ഷേത്രവളപ്പില് നിര്മ്മിച്ചിരിക്കുന്ന ഗരുഡന് ഭക്തരില് അത്ഭുതമുളവാക്കും.
മഹാവിഷ്ണുവിന്റെ വാഹനമായ ഗരുഡന്റെ പ്രതിഷ്ഠ വേണമെന്ന് ക്ഷേത്രം തന്ത്രിയുടെ നിര്ദ്ദേശത്താല് രാജീവ് വടക്കേടത്ത്, സജീവ് വടക്കേടത്ത് എന്നീ ശില്പികളുടെ നേതൃത്വത്തില് ഒരുവര്ഷംകൊണ്ടാണ് ഭീമാകാരമായ ഗരുഡന്റെ പ്രതിഷ്ഠയുടെ നിര്മ്മാണം പൂര്ത്തീകരിച്ചത്.
ഇത്തരത്തിലുള്ള പ്രതിമ ലോകത്ത് വളരെ അപൂര്വ്വമാണെന്ന് പറയപ്പെടുന്നു. പാലാഴി മഥനത്തിനുവേണ്ടി വാസുകിയെ ഗരുഡന് പിടിച്ചുകൊണ്ട് വന്നതായിട്ടാണ് ഇവിടുത്തെ ഗരുഡ സങ്കല്പം.
