ന്യൂഡല്ഹി: കഴിഞ്ഞ ദിവസം ഡല്ഹി പോലീസ് പിടികൂടിയ ഐഎസ് തീവ്രവാദികളായ മൂന്ന് പേരും ഉന്നതവിദ്യാഭ്യാസമുള്ളവര്. മൂന്നുപേരും എഞ്ചിനീയര് ബിരുദം പൂര്ത്തിയാക്കിയവരും ഒരാള് അതില് പിഎച്ച്ഡി ചെയ്യുന്നയാളുമാണെന്നാണ് പോലീസ് പറഞ്ഞു. ഇന്ത്യയില് ഉടനീളം ഐഎസിന്റെ പ്രവര്ത്തനവും അക്രമവും ലക്ഷ്യമിട്ട ഇവര് ബോംബ് നിര്മ്മാണ വിദഗ്ദ്ധരുമാണ്. സംഘത്തില് അറസ്റ്റിലായ മുഹമ്മദ് ഷെഹ്നാസ് എന്ന ഷാഫി ഉസ്മാന് തലയ്ക്ക് മൂന്നുലക്ഷം വിലയിട്ടിരുന്ന ഭീകരനാണ്.
ജാര്ഖണ്ഡിലെ ഹസാരിബാഗ് സ്വദേശിയാണ് ഷാനവാസ് എന്ന് പോലീസ് പറഞ്ഞു. വിദ്യാഭ്യാസം കൊണ്ട് മൈനിംഗ് എഞ്ചിനീയറായ ഇയാള്ക്ക്് എഞ്ചിനീയറിംഗ് സ്ഫോടനങ്ങളെക്കുറിച്ച് ആഴത്തില് അറിവുണ്ട്. ജന്മനാ ഹിന്ദുവായ യുവതിയാണ് ഷാനവാസിന്റെ ഭാര്യ. ഇവര് പിന്നീട് വിവാഹത്തിന് മുമ്പായി ഇസ്ലാംമതം സ്വീകരിച്ചിരുന്നു. ഷാനവാസ് പിടിയിലായതോടെ ഇവര് ഇപ്പോള് ഒളിവിലാണ്. ദേശീയ അന്വേഷണ ഏജന്സിയുടെ മോസ്റ്റ് വാണ്ടഡ് ലിസ്റ്റില് ഉള്പ്പെട്ട ഭീകരനാണ് പിടിലായ ഷഹാനവാസ്.
മൂന്ന് ലക്ഷം രൂപ ഇയാളെ കണ്ടെത്താന് സഹായിക്കുന്നവര്ക്ക് എന്ഐഎ പാരിതോഷികം പ്രഖ്യാപിച്ചിരുന്നു. വാഹനമോഷണക്കേസില് കഴിഞ്ഞ ജൂലായില് പൂനെ പൊലീസ് അറസ്റ്റ് ചെയ്തിരുന്നെങ്കിലും കസ്റ്റഡിയില് നിന്നും രക്ഷപ്പെട്ടിരുന്നു. ഇതിന്റെ തുടര്ച്ചയായി നടത്തിയ അന്വേഷണത്തില് ഇയാളുടെ രണ്ട് കൂട്ടാളികളെ പിടികൂടിയതോടെയാണ് ഐഎസ് ബന്ധം പുറത്ത് വന്നത്.
ഇന്നലെ പിടികൂടിയ മൂന്ന് പേരില് വരുന്ന മുഹമ്മദ് അര്ഷാദ് വാര്സിയും ജാര്ഖണ്ഡ് സ്വദേശിയാണെന്ന് പോലീസ് പറഞ്ഞു. അലിഗഡ് സര്വകലാശാലയില് നിന്ന് മെക്കാനിക്കല് എഞ്ചിനീയറിംഗില് ബിടെക് പൂര്ത്തിയാക്കിയിട്ടുള്ള ഇയാള് ഡല്ഹിയിലെ ജാമിയ മില്ലിയ ഇസ്ലാമിയയില് പിഎച്ച്ഡി ചെയ്യുകയാണ്. പിടികൂടിയ മൂന്നാമത്തെയാള് മുഹമ്മദ് റിസ്വാന് അഷ്റഫ് എന്നായാളാണ്. കമ്പ്യൂട്ടര് സയന്സില് ബിടെക് ബിരുദധാരിയാണ്. യഥാര്ത്ഥത്തില് ഉത്തര്പ്രദേശിലെ അസംഗഢ് സ്വദേശിയായ ഇയാള് പുരോഹിതനാകാനുള്ള പരിശീലനം നേടിയിട്ടുള്ളയാളാണ്. സ്ഫോടകവസ്തുക്കള് നിര്മ്മിക്കാനുള്ള സാധനങ്ങളും പിടികൂടിയെന്നും ദില്ലി പൊലീസ് അറിയിച്ചു.
പുതിയ അറസ്റ്റ് ഐഎസിന്റെ പാന്-ഇന്ത്യ മൊഡ്യൂളിനെയാണ് തുറന്നുകാട്ടിയിരിക്കുന്നതെന്നും നന്നായി അറിയാവുന്ന ആളുകളെ ലക്ഷ്യമാക്കി പരമാവധി നാശനഷ്ടങ്ങള് വരുത്തുക എന്നതായിരുന്നു സംഘം ലക്ഷ്യമിട്ടിരുന്നതെന്നും പോലീസ് പറഞ്ഞു. അത്തരം പ്രവര്ത്തനങ്ങള്ക്ക് വേണ്ടിയുള്ള പണമൊഴുക്കിന്റെ പാതയും കണ്ടെത്തിയതായി പോലീസ് പറഞ്ഞു. ഷാനവാസിനെ ഡല്ഹി ജയ്ത്പൂരില് നിന്നും റിസ്വാന്, അഷ്റഫ് എന്നിവരെ യഥാക്രമം ലഖ്നൗവില് നിന്നും ഉത്തര്പ്രദേശിലെ മൊറാദാബാദില് നിന്നുമാണ് പിടികൂടിയത്.
ഷാനവാസിന്റെ ഡല്ഹി ഒളിത്താവളത്തില് നിന്ന് പിസ്റ്റള്, ബോംബ് നിര്മ്മാണത്തിന് ഉപയോഗിക്കുന്ന വസ്തുക്കള്, രാസവസ്തുക്കള്, പാകിസ്ഥാനില് നിന്നുള്ള ഇസ്ളാമിക ജിഹാദി സാഹിത്യങ്ങള് എന്നിവ കണ്ടെടുത്തതായി പോലീസ് അറിയിച്ചു. മൂന്ന് പ്രതികളും രാജ്യത്തിന്റെ വിവിധ ഭാഗങ്ങളില് രഹസ്യാന്വേഷണം നടത്തുകയും ബോംബ് പരീക്ഷിക്കുകയും ചെയ്തുവെന്ന് ഡല്ഹി പോലീസ് സ്പെഷ്യല് സെല്ലിലെ സീനിയര് പോലീസ് ഓഫീസര് ധലിവാള് പറഞ്ഞു. ഇന്ത്യയുടെ വിവിധ ഭാഗങ്ങളില് വിവിഐപികളെയും ഇവര് ലക്ഷ്യമിട്ടിരുന്നു.
