‘‘വിജയരാഘവന്‍ എന്നെ വിളിക്കുന്നത് മമ്മൂസ് എന്നാണ്, അദ്ദേഹത്തിന്റെ ആ വിളിയില്‍ ഉണ്ട് ഞങ്ങളുടെ ആത്മബദ്ധം...’’

റോബി വര്‍ഗ്ഗീസ് സംവിധാനം ചെയ്ത് മമ്മൂട്ടി കേന്ദ്രകഥാപാത്രമായെത്തിയ ‘കണ്ണൂര്‍ സ്ക്വാഡ്’ തിയേറ്ററില്‍ ആവേശം നിറയ്ക്കുകയാണ്. പ്രേക്ഷകര്‍ ഒന്നടങ്കം ഏറ്റെടുത്തിരിക്കുകയാണ് ഈ ചിത്രം. തീയറ്ററുകളില്‍ തരംഗം സൃഷ്ടിക്കുന്ന ചിത്രത്തിന്റെ പ്രൊമോഷനു വേണ്ടി മമ്മൂട്ടി മിക്ക സ്ഥലത്തും എത്തുന്നുണ്ട്. ഇപ്പോഴിതാ പ്രൊമോഷന്റെ ഭാഗമായി കൊടുത്ത അഭിമുഖത്തില്‍ മമ്മൂട്ടി നടൻ വിജയ രാഘവനെ കുറിച്ച്‌ പറഞ്ഞ വാക്കുകളാണ് സോഷ്യല്‍ മീഡിയ ഏറ്റെടുത്തിരിക്കുന്നത്. പ്രൊമോഷനില്‍ നടന്‍ വിജയരാഘവനും പങ്കെടുക്കുന്നുണ്ട്. സംസാരത്തിനിടയില്‍ വിജയരാഘവന്‍ ‘‘എനിക്ക് സിനിമയില്‍ ഒരുപാടുപേരെ വളരെ ഇഷ്ട്ടമാണ്, എന്നാല്‍ ഞാനും മമ്മൂസും തമ്മില്‍ ഒരുപാടു ബന്ധം ഉണ്ട്...’’ എന്ന് വിജയ രാഘവൻ പറയുന്നുണ്ട്. അപ്പോഴാണ് അവതാരകന്‍ ‘മമ്മൂസ്’ എന്ന വിളിയെക്കുറിച്ച് ചോദിക്കുന്നത്. അത് മമ്മൂട്ടി ഹൃദയത്തില്‍ തൊടുന്ന മറുപടിയും കൊടുക്കുന്നു. ‘‘എന്നെ വിജയ രാഘവൻ വിളിച്ചത് മമ്മൂസ്‌ എന്നാണ്, അദ്ദേഹത്തിന്റെ ആ വിളിയില്‍ ഉണ്ട് ഞങ്ങളുടെ ആത്മബദ്ധം, അത് അദ്ദേഹത്തിന്റെ വലിയൊരു ഫ്രീഡമാണ്. അങ്ങനെ വിളിക്കുന്ന അപൂര്‍വ്വം ആളുകളില്‍ ഒരാള്‍ പുള്ളിയാണ്. ഒരുപാടു വര്‍ഷമായി ഞങ്ങള്‍ ഒന്നിച്ചു സിനിമയില്‍ തുടര്‍ന്നിട്ട്, ഞങ്ങള്‍ സമപ്രായക്കാര്‍, ഒരുമിച്ചു ഞങ്ങള്‍ ഒരുപാടു സിനിമകളില്‍ അഭിനയിച്ചിട്ടുമുണ്ട്, കണ്ട നാള്‍ മുതല്‍ അയാള്‍ തന്നെ വിളിച്ചിട്ടുള്ളത് മമ്മൂസ് എന്നായിരുന്നു...’’ ചിരിച്ചു കൊണ്ട് താരം പറയുന്നു. മമ്മൂട്ടിയുടെ കണ്ണൂര്‍ സ്‌ക്വാഡില്‍ പ്രാധാന്യമുള്ള ഒരു കഥാപാത്രം വിജയരാഘവനും ചെയ്യുന്നുണ്ട്. ചിത്രത്തില്‍ മമ്മൂട്ടിക്കൊപ്പം അസീസ് നെടുമങ്ങാട്, റോണി, ശബരീഷ് തുടങ്ങിയ താരങ്ങളും അഭിനയിക്കുന്നുണ്ട്.