പ്രേക്ഷകർക്ക് ഏറെ പരിചിതയാണ് ലക്ഷ്മി നായരും കുടുംബവും. മിനി സ്ക്രീനിൽ ഫ്ലേവേഴ്സ് ഓഫ് ഇന്ത്യയുടെ മുഖം തന്നെ ആയിരുന്നു ലക്ഷ്മി. ദൂരദര്ശനില് ഒരുവര്ഷത്തോളം വാര്ത്ത അവതാരകയായി നിറഞ്ഞു നിന്ന ലക്ഷ്മി വിവാഹത്തോടെയായാണ് ബ്രേക്കെടുത്തത്. ഇപ്പോഴും അവതരണ രംഗത്ത് സജീവമായ ലക്ഷ്മി നായരുടെ കുടുംബത്തിലെ പുതിയ സന്തോഷമാണ് വൈറലായി മാറുന്നത്.
വീണ്ടും മുത്തശ്ശിയായ സന്തോഷത്തിലാണ് ലക്ഷ്മി. താരത്തിന്റെ മകൻ വിഷ്ണുവിനും ഭാര്യ അനുരാധക്കും പെൺകുഞ്ഞാണ് ജനിച്ചിരിക്കുന്നത്. ഞങ്ങൾക്ക് മകളാണ് ജനിച്ചതെന്ന് അനുരാധയാണ് സോഷ്യൽ മീഡിയയിലൂടെ പറഞ്ഞത്. നിരവധി ആരാധകരാണ് ആശംസകൾ നേർന്നുകൊണ്ട് എത്തുന്നതും.
അടുത്തിടെ വളക്കാപ്പ് വിശേഷങ്ങൾ ഒക്കെ പങ്കിട്ടുകൊണ്ട് ലക്ഷ്മി നായരും എത്തിയിരുന്നു. പിന്നാലെ വിഷ്ണുവിന്റെ ഡോക്ടറേറ്റ് സെറിമണിയും കുടുംബം ആഘോഷിച്ചിരുന്നു. വളക്കാപ്പും, മകന്റെ വിജയവും ഒക്കെ ആഘോഷിച്ചതിന് പിന്നാലെയാണ് ലക്ഷ്മിയുടെ വീട്ടിലേക്ക് മറ്റൊരു സന്തോഷം കൂടി വന്നെത്തിയത്.
2018 ലായിരുന്നു വിഷ്ണു- അനുരാധ വിവാഹം നടക്കുന്നത്. അത്യന്തം ആർഭാടപൂർവം നടന്ന വിവാഹച്ചടങ്ങിൽ സാമൂഹിക- സാംസ്കാരിക രംഗത്തെ നിരവധി പ്രമുഖരാണ് പങ്കെടുത്തത്. വിഷ്ണുവും അനുവും ജീവിതത്തിൽ പ്രണയിച്ചുവിവാഹിതരായവർ ആണ്. ഇരുകൈയ്യും നീട്ടിയാണ് ഇവരുടെ ബന്ധത്തെ ലക്ഷ്മി നായരും കുടുംബവും അംഗീകരിച്ചത്.
