ബെംഗളൂരുവില് നാലു നിലകെട്ടിടത്തില് വന് തീപിടിത്തം. സംഭവം നടന്നത് ബെംഗളൂരുവിലെ കോറമംഗല മേഖലയിലാണ്. കെട്ടിടത്തിലെ നാലാം നിലയില് പ്രവര്ത്തിക്കുന്ന പബ്ബിലായിരുന്നു തീപിടിത്തം ഉണ്ടായത്. അപകടത്തില് രക്ഷപ്പെടാനായി നാലാം നിലയില് നിന്ന് ചാടിയ ആള്ക്ക് പരുക്കേറ്റു.
കാര് ഷോറൂം ഉള്പ്പെടെ ഈ ബഹുനില കെട്ടിടത്തില് പ്രവര്ത്തിക്കുന്നുണ്ട്. തീപിടത്തതിന് കാരണം ഷോര്ട്ട് സര്ക്യൂട്ട് ആണെന്നാണ് പ്രാധമിക നിഗമനം. സമീപത്തെ ഫയര് സ്റ്റേഷനുകളില് നിന്ന് ആറ് ഫയര് യൂണിറ്റുകളെത്തി തീയണക്കാനുള്ള ശ്രമം തുടരുകയാണ്.
തീ ഏറെക്കുറെ നിയന്ത്രണവിധേയമാണെന്നാണ് ലഭ്യമാകുന്ന വിവരം. സമീപത്തെ കെട്ടിടത്തിലേക്ക് തീ പടര്ന്ന് പിടിച്ചട്ടില്ല. പരുക്കേറ്റയാളെ ആശുപത്രിയില് പ്രവേശിപ്പിച്ചിരിക്കുകയാണ്. ഇയാളുടെ കാലിനും കൈക്കും പൊട്ടലുണ്ട്. ഇയാളുടെ ആരോഗ്യനില തൃപ്തികരമാണെന്നും പോലീസ് അറിയിച്ചു. സംഭവത്തില് മറ്റാര്ക്കും പരുക്കില്ല.
