ഇന്ന് പുലര്ച്ചെയാണ് സീരിയല് സംവിധായകന് ആദിത്യന് (47) ലോകത്തോട് വിടപറഞ്ഞത്. ഹൃദയാഘാതത്തെ തുടര്ന്നായിരുന്നു അന്ത്യം. പ്രിയ സംവിധായകന്റെ അപ്രതീക്ഷിതമായ വിയോഗത്തിന്റെ ഞെട്ടലിലാണ് സീരിയല് ലോകം. നിരവധി പേരാണ് ആദിത്യന് ആദരാഞ്ജലി അര്പ്പിച്ചെത്തുന്നത്.
'പ്രിയപ്പെട്ട ആദിത്യ, വിശ്വസിക്കാന് പറ്റുന്നില്ല. വാനമ്പാടി ,സ്വാന്തനം (സീരിയല്) സംവിധായകന് ആദിത്യന് വിടപറഞ്ഞു. ഈശ്വര സഹിക്കാന് പറ്റുന്നില്ല..വാനമ്പാടിയിലെ എന്റെ ഭദ്രയും, ആകാശദൂദിലെ ജെസിയും ഈ കൈകളില് ഭദ്രം ആയിരുന്നു'. അനുശോചനം അറിയിച്ച് സീമ ജി നായര് കുറിച്ചു.
എന്റെ ആത്മമിത്രവും ഏഷ്യനെറ്റ് സാന്ത്വനം സീരിയലിന്റെ സംവിധായകനുമായ ആദിത്യന് ഇന്ന് പുലര്ച്ചെ ഹൃദയാഘാതം മൂലം ഈ ലോകത്തോട് വിടവാങ്ങി. എന്ത് കാര്യവും എന്നോട് പറയാറുള്ള പ്രിയ ആദിത്യാ, ഒരു യാത്രാമൊഴി പോലും തരാതെ ഞങ്ങളെ വിട്ടു പോയല്ലോ. എന്റെ വിഷമങ്ങള് ഞാനിനി ആരോട് പറയും പ്രിയ മിത്രമേ? അതുകൊണ്ട് തന്നെ പ്രണാമവും ആദരാഞ്ജലിയും ഞാന് മനഃപൂര്വം അര്പ്പിക്കുന്നില്ല. കാരണം നിങ്ങളിപ്പോഴും എന്റെ ഉള്ളില് ജീവനോടെ ചൈതന്യത്തോടെ തന്നെ ഉണ്ടെന്ന് ഞാന് വെറുതെയെങ്കിലും വിശ്വസിച്ചോട്ടേ. എന്തൊരു ലോകം ദൈവമേ ഇത്'. മനോജ് കുമാര് കുറിച്ചു.
