തെന്നിന്ത്യയിലെ ക്യൂട്ട് കപ്പിള് ആണ് സൂര്യയും ജ്യോതികയും. ഇവരുടെ കുടുംബവിശേഷങ്ങള് അറിയാന് ആരാധകര് കാത്തിരിക്കാറുണ്ട്. രണ്ട് മക്കളാണ് ഈ താരദമ്പതികള്ക്ക്. മൂത്ത മകള് ദിയയും ഇളയ മകന് ദേവും. പ്രണയിച്ച് തുടങ്ങിയ കാലത്ത് എങ്ങനെയായിരുന്നുവോ അതേ സ്നേഹവും വിശ്വാസവും ബഹുമാനവും ഇപ്പോഴും ഇരുവര്ക്കും ഇടയിലുണ്ട്.
ഇപ്പോഴിതാ കുടുബേത്തോടൊപ്പം ദീപാവലി ആഘോഷമാക്കിയ സന്തോഷം പങ്കുവെച്ച് പോസ്റ്റ് പങ്കിട്ടിരിക്കുകയാണ് സൂര്യ. ഭാര്യയ്ക്കൊപ്പമുള്ള ചിത്രം പങ്കിട്ട് സൂര്യ കുറിച്ച വരികളാണ് ശ്രദ്ധിക്കപ്പെടുന്നത്.
'ജീവിതം എങ്ങനെയൊക്കെ ആഘോഷിക്കാമെന്ന് കാണിച്ച് തന്നതിന് നന്ദി ഭാര്യേ...' എന്നാണ് ജ്യോതികയ്ക്കൊപ്പമുള്ള ദീപാവലി ആഘോഷങ്ങളുടെ ചിത്രം പങ്കിട്ട് സൂര്യ കുറിച്ചത്.
നിരവധി ആരാധകരാണ് പോസ്റ്റിന് താഴെ സ്നേഹം അറിയിച്ച് എത്തിയിരിക്കുന്നത്. ഇവരോട് മുട്ടാന് മറ്റൊരു പ്രണയജോഡിയില്ലെന്നായിരുന്നു ഒരാള് കുറിച്ചത്. സന്തുഷ്ടവും ആരോഗ്യകരവുമായ ബന്ധം എങ്ങനെയായിരിക്കുമെന്നതിന് ഉത്തമ ഉദാഹരണമാണ് സൂര്യയും ജ്യോതികയുമെന്നായിരുന്നു മറ്റൊരു കമന്റ്.
