കുഞ്ഞിനെ വളര്‍ത്തുന്നത് ഞാന്‍ ഒറ്റയ്ക്കല്ല; പങ്കാളിക്കൊപ്പമുളള ചിത്രം പങ്കുവെച്ച് ഇല്യാന ഡിക്രൂസ്

ആരാധകര്‍ക്കേറെ പ്രിയപ്പെട്ട നടിയാണ് ഇല്യാന ഡിക്രൂസ്. കഴിഞ്ഞ ഓഗസ്റ്റിലായിരുന്നു താരം ഒരാണ്‍കുഞ്ഞിന് ജന്മം നല്‍കിയത്. കോവ ഫീനിക്‌സ് ഡോളന്‍ എന്നാണ് കുഞ്ഞിന്റെ പേര്. എന്നാല്‍ കുഞ്ഞിന്റെ അച്ഛനെക്കുറിച്ചുളള വിവരങ്ങള്‍ നടി ഇതുവരെ പങ്കുവെച്ചിട്ടില്ല. ഇപ്പോഴിതാ താന്‍ സിംഗിര്‍ പേരന്റല്ല എന്ന് വ്യക്തമാക്കിയിരിക്കുകയാണ് താരം. ഇന്‍സ്റ്റഗ്രാമിലൂടെയുളള ആരാധകന്റെ ചോദ്യത്തിനായിരുന്നു ഇല്യാനയുടെ മറുപടി.

കുഞ്ഞിനെ എങ്ങനെയാണ് ഒറ്റയ്ക്ക് നോക്കുന്നത് എന്നായിരുന്നു ആരാധകന്റെ ചോദ്യം. തന്റെ പങ്കാളി മൈക്കിള്‍ ഡോളിനൊപ്പമുളള ചിത്രത്തിനൊപ്പം താന്‍ സിംഗിള്‍ പാരന്റ് അല്ലെന്ന് താരം വ്യക്തമാക്കുകയായിരുന്നു.

താന്‍ ഗര്‍ഭിണിയാണെന്ന് അറിയിച്ചതിന് പിന്നാലെ ഇല്യാന രൂക്ഷവിമര്‍ശനങ്ങള്‍ക്ക് ഇരയായിരുന്നു. വിവാഹത്തിന് മുന്‍പ് ഗര്‍ഭിണിയായതാണ് പലരേയും ചൊടിപ്പിച്ചത്. എന്നാല്‍ ഇതൊന്നും താരത്തെ ബാധിച്ചിരുന്നില്ല. തന്റെ ഗര്‍ഭകാല അനുഭവങ്ങള്‍ ഇല്യാന സോഷ്യല്‍ മീഡിയയിലൂടെ പങ്കുവെച്ചിരുന്നു.