മോഡലിംഗിലൂടെ തുടങ്ങി ബോളിവുഡിലെ മുന്നിര നായികമാരില് ഒരാളായി തിളങ്ങിയ താരമാണ് ദിയ മിര്സ. മിസ് ഇന്ത്യ പട്ടം സ്വന്തമാക്കിയ ശേഷമാണ് ദിയ ബിഗ് സ്ക്രീനിലേക്ക് എത്തിയത്. തമിഴ് ചിത്രമായ ‘മിന്നലെ’യുടെ ഹിന്ദി റീമേക്കായ രഹ്നാ ഹേ തേരേ ദിൽ മേം എന്ന ചിത്രത്തിലൂടെയാണ് ദിയ സിനിമയിൽ അരങ്ങേറ്റം കുറിച്ചത്. ഇപ്പോഴിതാ കരിയറിന്റെ തുടക്കത്തിൽ താൻ നേരിട്ട ലിംഗവിവേചനത്തേക്കുറിച്ച് തുറന്നുപറഞ്ഞിരിക്കുകയാണ് ദിയ. സ്ത്രീകൾക്ക് നൽകേണ്ട അടിസ്ഥാന സൗകര്യങ്ങൾപോലും ചില സെറ്റുകളിൽ നൽകിയില്ലെന്നും ചെറിയ അവസരങ്ങളിൽ പോലും സ്ത്രീകൾ പ്രൊഫഷണലല്ലെന്ന് മുദ്രകുത്തപ്പെടുത്തിയെന്നും താരം പറഞ്ഞു. രണ്ട് പതിറ്റാണ്ടുകള്ക്ക് മുന്പ് സിനിമയിലെ തുടക്കകാരിയായിരുന്ന സമയത്ത് ഒരു സിനിമാ സെറ്റിൽ നേരിടേണ്ടി വന്ന വേർതിരിവിനെ കുറിച്ചാണ് നടി സംസാരിച്ചത്.
“സിനിമ സെറ്റുകളിൽ വളരെ കുറച്ച് സ്ത്രീകൾ മാത്രമാണ് ജോലി ചെയ്തിരുന്നത്. അതിനാൽ തന്നെ എല്ലാ തരത്തിലും എല്ലാ രീതിയിലും തടസ്സങ്ങൾ ഉണ്ടായിരുന്നു. നമ്മളോട് പെരുമാറുന്ന രീതിയിലും നമുക്ക് ലഭ്യമായ സൗകര്യങ്ങളിലും വ്യത്യാസങ്ങൾ ഉണ്ടാകും. ഞങ്ങളുടെ വാനിറ്റി വാനുകൾ വളരെ ചെറുതായിരുന്നു. ഞങ്ങൾ പാട്ടുകൾ ചിത്രീകരിക്കാൻ ലൊക്കേഷനുകളിൽ പോകുമ്പോൾ ടോയ്ലറ്റ് പോലുള്ള ഒരു അടിസ്ഥാന സൗകര്യങ്ങൾ പോലും ഉണ്ടായിരുന്നില്ല. അതിനായി മരങ്ങളുടെ പുറകിലോ പാറകളുടെ പുറകിലോ പോകേണ്ടിവരും. വലിയ ഷീറ്റ് വച്ച് മൂന്ന് പേര്ചേർന്ന് മറച്ചു പിടിക്കേണ്ടി വന്നിരുന്നു. ഞങ്ങൾക്ക് വസ്ത്രം മാറാൻ പോലും ഇടമില്ലായിരുന്നു. സ്വകാര്യതയും വൃത്തിയും ഇല്ലായിരുന്നു. നടൻമാർ വൈകി വന്നാൽ ആരും അവരോട് ഒരു വാക്കുപോലും പറയില്ല. എന്നാൽ ഒരു സ്ത്രീ കാരണം ഏതെങ്കിലും തരത്തിൽ വൈകിയാൽ ഉടൻ തന്നെ ഞങ്ങളെ പ്രൊഫഷണലല്ലെന്ന് ലേബൽ ചെയ്യുംം അണ്പ്രൊഫഷണല് ആക്കിക്കളയും. പല സ്ത്രീ അഭിനേതാക്കളും നടൻമാർ വൈകിയെത്തുന്നതിനെക്കുറിച്ചും ശുചിത്വം, സ്വകാര്യത പ്രശ്നങ്ങൾ എന്നിവയെ കുറിച്ചും സിനിമ സെറ്റിൽ പറഞ്ഞിട്ടുണ്ട്....
വഹീദാ റഹ്മാന് ദാദാ സാഹിബ് ഫാൽക്കേ പുരസ്കാരം ലഭിച്ചത് വളരെ വൈകിയാണ്. ഇന്നും സിനിമകളിൽ സ്ത്രീ പ്രാതിനിധ്യം വളരെ കുറവാണെന്ന സത്യം നമ്മൾ മനസ്സിലാക്കണം, അത് സംവിധാനമായാലും നിർമ്മാണമായാലും എഴുത്തായാലും. ഒരു നിശ്ചിത പ്രായത്തിന് ശേഷം സ്ത്രീകൾക്ക് പ്രധാന വേഷങ്ങൾ നൽകാത്ത ഒരു കാലഘട്ടം ഇന്ത്യൻ സിനിമയിൽ ഉണ്ടായിരുന്നു, എന്നാൽ പുരുഷന്മാർക്ക് അവരെ നൽകിയിരുന്നു. താൻ ചെയ്ത ധക് ധക് എന്ന സിനിമ മോട്ടോർ സൈക്കിൾ യാത്രയ്ക്ക് പോകുന്ന നാല് വ്യത്യസ്ത പ്രായത്തിലുള്ള നാല് സ്ത്രീകളുടെ കഥയാണ് പറഞ്ഞത്. ഇന്ത്യൻ സിനിമാലോകം ഇത്തരമൊരു കഥ കാണിക്കാൻ 110 വർഷമെടുത്തു. ഇത്തരമൊരു കഥാപാത്രത്തെ അവതരിപ്പിക്കാൻ ഞാന് 23 വർഷം കാത്തിരുന്നു...’’ ദിയാ മിര്സ പറഞ്ഞു.
ദിയ അഭിനയിച്ച് ഒടുവിൽ പുറത്തിറങ്ങിയത് ‘ധക് ധക്’ എന്ന ചിത്രമാണ്. ഷാരൂഖ് ഖാൻ നായകനാവുന്ന ഡങ്കിയാണ് ഇനി റിലീസ് ചെയ്യാനുള്ളത്. കാഫിര്, മൈന്ഡ് ദ മല്ഹോത്രാസ്, മെയ്ഡ് ഇന് ഹെവന് തുടങ്ങിയ സീരിസുകളിലൂടെ ഓ.ടി.ടിയിലും ദിയാ മിർസ തിളങ്ങിയിട്ടുണ്ട്.
“സിനിമ സെറ്റുകളിൽ വളരെ കുറച്ച് സ്ത്രീകൾ മാത്രമാണ് ജോലി ചെയ്തിരുന്നത്. അതിനാൽ തന്നെ എല്ലാ തരത്തിലും എല്ലാ രീതിയിലും തടസ്സങ്ങൾ ഉണ്ടായിരുന്നു. നമ്മളോട് പെരുമാറുന്ന രീതിയിലും നമുക്ക് ലഭ്യമായ സൗകര്യങ്ങളിലും വ്യത്യാസങ്ങൾ ഉണ്ടാകും. ഞങ്ങളുടെ വാനിറ്റി വാനുകൾ വളരെ ചെറുതായിരുന്നു. ഞങ്ങൾ പാട്ടുകൾ ചിത്രീകരിക്കാൻ ലൊക്കേഷനുകളിൽ പോകുമ്പോൾ ടോയ്ലറ്റ് പോലുള്ള ഒരു അടിസ്ഥാന സൗകര്യങ്ങൾ പോലും ഉണ്ടായിരുന്നില്ല. അതിനായി മരങ്ങളുടെ പുറകിലോ പാറകളുടെ പുറകിലോ പോകേണ്ടിവരും. വലിയ ഷീറ്റ് വച്ച് മൂന്ന് പേര്ചേർന്ന് മറച്ചു പിടിക്കേണ്ടി വന്നിരുന്നു. ഞങ്ങൾക്ക് വസ്ത്രം മാറാൻ പോലും ഇടമില്ലായിരുന്നു. സ്വകാര്യതയും വൃത്തിയും ഇല്ലായിരുന്നു. നടൻമാർ വൈകി വന്നാൽ ആരും അവരോട് ഒരു വാക്കുപോലും പറയില്ല. എന്നാൽ ഒരു സ്ത്രീ കാരണം ഏതെങ്കിലും തരത്തിൽ വൈകിയാൽ ഉടൻ തന്നെ ഞങ്ങളെ പ്രൊഫഷണലല്ലെന്ന് ലേബൽ ചെയ്യുംം അണ്പ്രൊഫഷണല് ആക്കിക്കളയും. പല സ്ത്രീ അഭിനേതാക്കളും നടൻമാർ വൈകിയെത്തുന്നതിനെക്കുറിച്ചും ശുചിത്വം, സ്വകാര്യത പ്രശ്നങ്ങൾ എന്നിവയെ കുറിച്ചും സിനിമ സെറ്റിൽ പറഞ്ഞിട്ടുണ്ട്....
വഹീദാ റഹ്മാന് ദാദാ സാഹിബ് ഫാൽക്കേ പുരസ്കാരം ലഭിച്ചത് വളരെ വൈകിയാണ്. ഇന്നും സിനിമകളിൽ സ്ത്രീ പ്രാതിനിധ്യം വളരെ കുറവാണെന്ന സത്യം നമ്മൾ മനസ്സിലാക്കണം, അത് സംവിധാനമായാലും നിർമ്മാണമായാലും എഴുത്തായാലും. ഒരു നിശ്ചിത പ്രായത്തിന് ശേഷം സ്ത്രീകൾക്ക് പ്രധാന വേഷങ്ങൾ നൽകാത്ത ഒരു കാലഘട്ടം ഇന്ത്യൻ സിനിമയിൽ ഉണ്ടായിരുന്നു, എന്നാൽ പുരുഷന്മാർക്ക് അവരെ നൽകിയിരുന്നു. താൻ ചെയ്ത ധക് ധക് എന്ന സിനിമ മോട്ടോർ സൈക്കിൾ യാത്രയ്ക്ക് പോകുന്ന നാല് വ്യത്യസ്ത പ്രായത്തിലുള്ള നാല് സ്ത്രീകളുടെ കഥയാണ് പറഞ്ഞത്. ഇന്ത്യൻ സിനിമാലോകം ഇത്തരമൊരു കഥ കാണിക്കാൻ 110 വർഷമെടുത്തു. ഇത്തരമൊരു കഥാപാത്രത്തെ അവതരിപ്പിക്കാൻ ഞാന് 23 വർഷം കാത്തിരുന്നു...’’ ദിയാ മിര്സ പറഞ്ഞു.
ദിയ അഭിനയിച്ച് ഒടുവിൽ പുറത്തിറങ്ങിയത് ‘ധക് ധക്’ എന്ന ചിത്രമാണ്. ഷാരൂഖ് ഖാൻ നായകനാവുന്ന ഡങ്കിയാണ് ഇനി റിലീസ് ചെയ്യാനുള്ളത്. കാഫിര്, മൈന്ഡ് ദ മല്ഹോത്രാസ്, മെയ്ഡ് ഇന് ഹെവന് തുടങ്ങിയ സീരിസുകളിലൂടെ ഓ.ടി.ടിയിലും ദിയാ മിർസ തിളങ്ങിയിട്ടുണ്ട്.
Comments