സ്പാനിഷ് വമ്പന്മാരായ റയല് മാഡ്രിഡ് തങ്ങളുടെ സ്വപ്നതാരത്തിനായി ജനുവരി ട്രാന്സ്ഫര് വിന്ഡോയില് ഇറങ്ങുന്നു. യൂറോപ്യന് ഭീമന്മാരായ റയല് മാഡ്രിഡ്, പാരീസ് സെന്റ് ജെര്മെയ്ന് ഫോര്വേഡും സൂപ്പര്താരവുമായി കിലിയന് എംബാപ്പയ്ക്ക് വേണ്ടി കരാറില് ഒപ്പുവെയ്ക്കാന് ജനുവരി ട്രന്സ്ഫറില് സമയ പരിധി നിശ്ചയിച്ചിരിക്കുകയാണ്. ജനുവരി പകുതിയോടെ താരത്തെ ക്ലബ്ബിലെത്തിക്കാനാണ് നീക്കം.
റയലും എംബാപ്പെയും മുമ്പ് ഒരു ട്രാന്സ്ഫര് നീക്കം നടത്തിയിട്ടും ഒരു കരാറില് എത്താന് കഴിഞ്ഞില്ല. 2022 ല് എംബാപ്പെയെ സ്പാനിഷ് തലസ്ഥാനത്തേക്ക് മാറ്റുന്നതിനുള്ള പദ്ധതി റയല് തയ്യാറാക്കിയിരുന്നു. എന്നാല് കരാര് സംഭവിക്കുന്നതിന്റെ തൊട്ടടുത്തുവെച്ച് പിഎസ്ജി എംബാപ്പെയ്ക്ക് പുതിയ നിബന്ധനകള് വാഗ്ദാനം ചെയ്തു. സ്റ്റാര് കളിക്കാരായ ലയണല് മെസ്സിക്കും നെയ്മറിനും മുകളില് സ്ഥാനവും നല്കി. എന്നാല് ഇത്തവണ റയല് അടുത്തുവരുമ്പോള് എംബാപ്പേയ്ക്ക് കാര്യമായ തടസ്സങ്ങളൊന്നുമില്ല.
റയല്മാഡ്രിഡ് ക്ലബ് പ്രസിഡന്റ് ഫ്ലോറന്റിനോ പെരസ് എംബാപ്പെയുടെ വലിയ ആളാണ്, 2021 മുതല് അദ്ദേഹത്തെ ടീമില് എത്തിക്കാനായി ശ്രമിക്കുന്നയാളുമാണ്. എന്നാല് ക്ലബ് സ്റ്റേഡിയ നിര്മ്മാണം പോലെയുള്ള സാമ്പത്തിക പരിമിതികള് കാരണം, പെരസിന്റെ താല്പ്പര്യം തണുക്കുകയായിരുന്നു. പകരം അവര് വെച്ച ഓഫര് 25-കാരന് താരം ശമ്പളം വെട്ടിക്കുറയ്ക്കുക എന്നതായിരുന്നു.
ടീമിലെ വലിയ താരങ്ങളായ ജൂഡ് ബെല്ലിംഗ്ഹാം, ഔറേലിയന് ചൗമേനി എന്നിവരെപ്പോലുള്ള കളിക്കാര്ക്ക് മറ്റ് ക്ലബ്ബുകളില് നിന്ന് വലിയ തുക വാഗ്ദാനം ചെയ്തിട്ടും ഇവര് റയലില് നില നില്ക്കാന് ശമ്പളം വെട്ടിക്കുറച്ചിരിക്കുകയാണ്. 2022-ല് നിന്ന് വ്യത്യസ്തമായി ഇത്തവണ റയല് എംബാപ്പേയ്ക്ക് വേണ്ടി വന്തുക മുടക്കാന് തയ്യാറായേക്കില്ലെന്നാണ് അത് ക്ല്ബ്ബിനുള്ള അസമത്വത്തിനും ഇടയാക്കുമെന്ന് റയല് ചിന്തിക്കുന്നുണ്ട്.
ഫ്രാന്സ് ക്യാപ്റ്റന്റെ നിലവിലെ കരാര് 2024 ജൂണില് അവസാനിക്കും, അതേസമയം 2025 വരെ കരാര് നീട്ടിയേക്കാവുന്ന ഒരു വ്യവസ്ഥ പിഎസ്ജിയില് ഉണ്ടെന്ന് റിപ്പോര്ട്ട് ചെയ്യപ്പെടുന്നു. എന്നിരുന്നാലും, ഡീല് 2024 ജൂണില് അവസാനിക്കാന് സാധ്യതയുള്ളതിനാല് ഫിഫ ട്രാന്സ്ഫര് നിയമങ്ങള് പ്രകാരം ജനുവരി 1 മുതല് ഒരു സ്വതന്ത്ര ഏജന്റ് എന്ന നിലയില് എംബാപ്പേയ്ക്ക് ട്രാന്സ്ഫര് ചര്ച്ചകള് നടത്താന് കഴിയും.
