സുപ്രീംകോടതി ഹിന്ഡന്ബര്ഗ് റിപ്പോര്ട്ടില് പ്രത്യേക അന്വേഷണം ആവശ്യപ്പെട്ടുള്ള ഹര്ജികള് തള്ളിയതിന് പിന്നാലെ അദാനി ഓഹരികള്ക്ക് നേട്ടം. കോടതി വിധിയ്ക്ക് പിന്നാലെ ഉച്ചയ്ക്ക് ശേഷം അദാനി ഓഹരികള് ലാഭമുണ്ടാക്കി.
അദാനി ഓഹരികള് ഏഴ് ശതമാനത്തിനടുത്ത് നേട്ടമാണ് ഇന്നുണ്ടാക്കിയത്. അദാനി പോര്ട്ട്സ്, ആദാനി എന്റര്പ്രൈസസ്, അദാനി വില്മര്, അദാനി ഗ്രീന് എനര്ജി, അദാനി പവര്, അദാനി എനര്ജി സൊല്യൂഷന്സ് തുടങ്ങിയ ഓഹരികളാണ് വിപണിയില് ഇന്ന് നേട്ടമുണ്ടാക്കിയത്.
സുപ്രിംകോടതി അദാനി ഗ്രൂപ്പിനെതിരായ ഹിന്ഡന്ബര്ഗ് റിപ്പോര്ട്ട് അന്വേഷിച്ച വിദഗ്ധ സമിതിയെ ഇന്ന് അനുകൂലിക്കുകയായിരുന്നു. കോടതി സമിതിയുടെ നിഷ്പക്ഷത ചോദ്യം ചെയ്യുന്ന ആരോപണങ്ങള് തള്ളി. സര്ക്കാര് ഇടപെടല് വിഷയത്തില് നിക്ഷേപകരുടെ താത്പര്യങ്ങള് സംരക്ഷിക്കുന്ന വിധത്തില് ഉണ്ടാകണമെന്നും കോടതി നിര്ദേശിച്ചു.
