കോളേജ് രാഷ്ട്രീയത്തില് ആണ് ആദ്യമായി നാദിറ മെഹറിന് എന്ന പേര് ഉറക്കെ കേട്ടത്. ആ പേര് പിന്നീട് ബിഗ്ഗ് ബോസ് ഷോയ്ക്ക് ശേഷം വളരെ പരിചിതമായി. വൈവിദ്യമാര്ന്ന മത്സരാര്ത്ഥികള്ക്കൊപ്പം ആരംഭിച്ച ബിഗ്ഗ് ബോസ് മലയാളം സീസണ് 5 ലെ മത്സരാര്ത്ഥികളില് ഒരാളായി നാദിറ മെഹറിന് എന്ന ട്രാന്സ്ജെന്റര് എത്തിയത് ചരിത്ര സംഭവമായിരുന്നു.
ട്രാന്സ്ജെന്റേഴ്സ് എന്നാല് അകറ്റി നിര്ത്തപ്പെടേണ്ടതാണ് എന്ന ചിലരുടെ കാഴ്ചപ്പാടിനെ എങ്കിലും ഷോയിലൂടെ തിരുത്താന് നാദിറയ്ക്ക് സാധിച്ചു.
സീസണ് ഫൈവിലെ തഗ്ഗ് റാണി എന്നാണ് നാദിറ അറിയപ്പെടുന്നത്. അത്രയ്ക്കും ഹിറ്റായിരുന്നു ഷോയില് നാദിറ പറഞ്ഞ പല ടൈമിങ് തഗ്ഗ് ഡയലോഗുകളും.
ബിഗ്ഗ് ബോസിലൂടെ സമൂഹം മാത്രമല്ല, ഏറെ കാലമായി അകറ്റി നിര്ത്തിയിരുന്ന നാദിറയുടെ വാപ്പയും ഉമ്മയും താരത്തെ സ്വീകരിച്ചതും വലിയ മാറ്റത്തിന്റെ തുടക്കമായിരുന്നു. ഇപ്പോഴും മോഡലിങും മറ്റുമൊക്കെയായി സോഷ്യല് മീഡിയയില് സജീവമായി തന്നെ നില്ക്കുകയാണ് നാദിറ മെഹറിന്.
പുതിയ ഒരു വീഡിയോ പങ്കുവച്ച് താരം എഴുതിയ ക്യാപ്ഷനാണ് വൈറലാവുന്നത്. മേക്കപ്പും ഫില്ട്ടറും ഒന്നും ഇല്ലാതെയും ഞാനെത്ര സുന്ദരിയാണെന്നാണ് ക്യാപ്ഷന്.
