അഭിനേതാവിനെ പോലെ തന്നെ മുകേഷ് എം.എൽ.എ എന്ന നേതാവും ജനസമ്മതനാണ്. പൊതുപ്രവർത്തനവും അഭിനയമെന്ന കരിയറും താരം ഒരുപോലെ മുന്നോട്ടു കൊണ്ട് പോകുന്നുണ്ട്. മുകേഷിന്റെ ഏറ്റവും പുതിയ സിനിമ അയ്യർ ഇൻ അറേബ്യ കഴിഞ്ഞ ദിവസമാണ് തിയേറ്ററിൽ എത്തിയത്. പ്രേക്ഷകരുടെ പ്രിയ താരങ്ങളായ മുകേഷ്, ഉർവ്വശി, ധ്യാൻ ശ്രീനിവാസൻ തുടങ്ങിയവര് അഭിനയിക്കുന്ന സിനിമയുടെ പ്രിവ്യൂ ഷോ തിരുവനന്തപുരം കൈരളി തീയറ്ററില് ഉണ്ടായിരുന്നു. ഇപ്പോഴിതാ ആ പ്രിവ്യൂ ഷോ കാണാനെത്തിയവരുടെ ചിത്രമാണ് സോഷ്യൽ മീഡിയയിൽ വൈറൽ ആകുന്നത്. സിപിഎം സംസ്ഥാന സെക്രട്ടറി എം വി ഗോവിന്ദൻ, മുൻ മന്ത്രിമാരായ എം എം മണി, കെ ടി ജലീല് അടക്കം നിരവധി പേരാണ് പ്രിവ്യൂ ഷോ കാണാൻ എത്തിയത്. "എം.എൽ.എ ശ്രീ മുകേഷിന്റെ പുതിയ ഫിലിം അയ്യർ ഇൻ അറേബ്യ എം.എൽ എ മാർക്ക് പ്രത്യേകം കാണാൻ അവസരം ഒരുക്കിയപ്പോൾ തിരുവനന്തപുരം കൈരളിയിൽ..." എന്ന ക്യാപ്ഷൻ നൽകി കെ കെ രാമചന്ദ്രൻ എംഎല്എ, കെ ബാബു എംഎല്എ അടക്കമുള്ളവര് തീയറ്ററില് നിന്നുള്ള ചിത്രങ്ങള് പങ്കുവെച്ചിട്ടുണ്ട്.
മുകേഷ്, ഉർവ്വശി, ധ്യാൻ ശ്രീനിവാസൻ എന്നിവരെ കൂടാതെ ഷൈൻ ടോം ചാക്കോ, ദുർഗ കൃഷ്ണ, ഡയാന ഹമീദ് എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന അയ്യർ ഇൻ അറേബ്യ ഇന്നാണ് തിയറ്ററുകളിലെത്തുന്നത്. എം എ നിഷാദാണ് തിരക്കഥയെഴുതി സംവിധാനം ചെയ്തിരിക്കുന്ന ഈ ആക്ഷേപഹാസ്യ ചിത്രം കുടുംബ ബന്ധങ്ങള്ക്ക് പ്രാധാന്യം നല്കി ഒരുക്കിയതാണ്.
