തിരുവനന്തപുരം : കേന്ദ്ര-സംസ്ഥാന സര്ക്കാറുകളുടെ ജനദ്രോഹ നടപടികള് തുറന്ന് കാട്ടാന് എന്ന പ്രചരണത്തില് കോണ്ഗ്രസിന്റെ സമരാഗ്നിക്ക് ഇന്ന് തുടക്കമാകും. കെപിസിസി പ്രസിഡന്റും പ്രതിപക്ഷ നേതാവും 14 ജില്ലകളിലും പര്യടനം നടത്തും.
സമരാഗ്നി എന്ന് പേരിട്ടിരിക്കുന്ന പ്രക്ഷോഭം ഇന്ന് കാസര്കോട് നിന്നാണ് ആരംഭിക്കുക. വൈകീട്ട് നാലിന് കാസര്കോട് മുനിസിപ്പല് മൈതാനത്ത് കെ.സി വേണുഗോപാല് ഉദ്ഘാടനം നിര്വഹിക്കും. കാസര്കോട്ട് പരിപാടി നാളെ രാവിലെ പത്തിന് നടക്കും.
കെപിസിസി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി സതീശനും കേരളത്തിന്റെ ചുമതല വഹിക്കുന്ന ദീപാദാസ് മുന്ഷി, രമേശ് ചെന്നിത്തല, ശശി തരൂര്, എം.എം ഹസന്, കെ.മുരളീധരന് തുടങ്ങിയവര് പങ്കെടുക്കും.
എല്ലാ ജില്ലകളിലും പൊതുസമ്മേളനങ്ങളാണ് സംഘടിപ്പിക്കുന്നത്. വ്യത്യസ്ത മേഖലകളില് കഷ്ടതകള് അനുഭവിക്കുന്ന സാധാരണക്കാരുമായി കൂടിക്കാഴ്ച നടത്തി അവരുടെ പ്രശ്നങ്ങള് കേള്ക്കും. 29ന് തിരുവനന്തപുരത്താണ് സമരാഗ്നിയുടെ സമാപനം.
