ഈ കഴിഞ്ഞ ജനുവരിയിൽ ആയിരുന്നു നടൻ ഗോവിന്ദ് പദ്മസൂര്യയും ടെലിവിഷൻ താരമായ ഗോപിക അനിലും വിവാഹിതരായത്. ആരാധകർ കാത്തിരുന്ന ഒരു മുഹൂർത്തമായിരുന്നു ഇരുവരുടെയും വിവാഹം. വിവാഹശേഷം ജിപിയും ഗോപികയും ഹണിമൂൺ യാത്രയും ആരംഭിച്ചു. ബുദ്ധന്റെ നാട്ടിൽ നിന്നും അക്കോസേട്ടന്റെയും ഉണ്ണിക്കുട്ടന്റെയും സ്വന്തം നേപ്പാളിൽ നിന്നും ഞങ്ങൾ ഞങ്ങളുടെ ആദ്യ ഇന്റർനാഷണൽ യാത്ര തുടങ്ങുകയാണ് എന്ന് പറഞ്ഞുകൊണ്ട് ജിപി തന്നെയാണ് ചിത്രങ്ങൾ സോഷ്യൽ മീഡിയയയിൽ പങ്കുവച്ചത്. ഹണിമൂൺ യാത്രയ്ക്കൊക്കെ ശേഷം കുടുംബത്തിനും സുഹൃത്തുക്കൾക്കും ഒപ്പം സമയം ചിലവിടുകയാണ് ഇരുവരും ഇപ്പോൾ.
കഴിഞ്ഞ ദിവസങ്ങളിലായി സുഹൃത്തുക്കളെ ഒക്കെ കാണാൻ പോയതിന്റെ ഫോട്ടോസ് ഇരുവരും ഷെയർ ചെയ്തിരുന്നു. ഇപ്പോഴിതാ വീട്ടിൽ നിന്നുള്ള ഒരു രസകരമായ വീഡിയോ ആണ് ഇരുവരും പങ്കുവച്ചിരിക്കുന്നത്. "നിങ്ങൾ സന്തോഷത്തോടെ വിവാഹിതർ ആവുന്നത് എപ്പോഴാണോ, അപ്പോൾ ഒരു സഹോദരനും സഹോദരിയും ആവാൻ കൂടി തയ്യാറെടുക്കണം" എന്ന് പറഞ്ഞുകൊണ്ടാണ് ജിപിയുടെ അനിയന്റെയും ഗോപികയുടെ അനിയത്തിയുടെയും ഒപ്പമുള്ള വീഡിയോ പങ്കുവച്ചുകൊണ്ട് ഇരുവരും പറയുന്നത്.
ജിപിയുടെയും ഗോപികയുടെയും വിവാഹ നിശ്ചയം മുതൽ ഏറ്റവും അധികം ഇവരുടെ ആരാധകർ ശ്രദ്ധിക്കുന്ന രണ്ട് വ്യക്തികൾ ആണ് ജിപിയുടെ അനിയൻ ഗോവിന്ദ് അമൃത് സൂര്യയും ഗോപികയുടെ അനിയത്തി കീർത്തന അനിലും. ചേച്ചിയുടെയും ചേട്ടന്റെയും വിവാഹം ആഘോഷമാക്കാൻ ഇരുവരും ഓടിനടക്കുന്നതും വിവാഹസമയത്ത് പൂർണ സംതൃപ്തിയോടെ ഇരുവരും കണ്ണുനിറച്ചു നിൽക്കുന്നതും ആരാധകർ ശ്രദ്ധിച്ചിരുന്നതാണ്.
ജിപി ചേട്ടനെ മിട്ടു സ്വന്തം ചേട്ടനായിട്ട് തന്നെയാണ് കാണുന്നത്. തിരിച്ച് ഗോപിക ചേച്ചിയെ അനിയൻ സ്വന്തം ചേച്ചി ആയും. ഇതില്പരം ഭാഗ്യം വേറെ എവിടെയാണ് കിട്ടുക" എന്നൊക്കെയാണ് ജിപിയോടും ഗോപികയോടും ആരാധകർ പറയുന്നത്. "ബ്രദർ സിസ്റ്റർ ഡയനാമിക്സ്" എന്ന് പറഞ്ഞുകൊണ്ടാണ് ജിപി വീഡിയോ പങ്കുവച്ചിരിക്കുന്നത്.
