ബോളിവുഡിന്റെ പ്രിയ താരമാണ് അര്ജുന് കപൂര്. നിര്മ്മാതാവായിരുന്ന ബോണി കപൂറിന്റെ ആദ്യ ഭാര്യ മോണ ഷോര്യ കപൂറില് ജനിച്ച മകനാണ് അര്ജുന്. താരത്തിന്റെ അമ്മ മോണ ഷൂരി കപൂർ കാൻസർ രോഗനിർണയത്തില് ഒന്നിലധികം അവയവങ്ങളുടെ പരാജയത്തെ തുടർന്ന് 2012 മാർച്ച് 25 നാണ് അന്തരിച്ചത്. ഇന്ന് താരത്തിന്റെ അമ്മയുടെ 12-ാം ചരമവാർഷികമാണ്
ഇപ്പോഴിതാ അർജുൻ അമ്മയെ ഓർത്ത് ഹൃദയസ്പർശിയായ ഒരു കുറിപ്പ് എഴുതിയിരിക്കുകയാണ്. ‘‘സമയം പറക്കുന്നുവെന്ന് എല്ലാവരും പറയും, 12 വർഷമായി, ഇപ്പോഴും ഞാൻ ഈ ദിനത്തെ വെറുക്കുന്നു, ഈ വികാരത്തെ ഞാൻ വെറുക്കുന്നു, അമ്മയ്ക്കൊപ്പമുള്ള ചിത്രങ്ങൾ തീർന്നുപോകുന്നത് ഞാൻ വെറുക്കുന്നു... അമ്മ എന്ന വാക്ക് പറയാൻ കഴിയാത്തതിൽ ഞാൻ വെറുക്കുന്നു... അല്ലെങ്കിൽ എന്റെ ഫോണിൽ അമ്മ ഫ്ലാഷ് കാണാതിരിക്കുന്നത് എനിക്ക് വെറുപ്പാണ്... നിങ്ങളെ ഞങ്ങളിൽ നിന്ന് അകറ്റിയതിൽ എനിക്ക് വെറുപ്പാണ്... എനിക്ക് ഒക്കെയാണെന്ന് നടിക്കുകയല്ലാതെ മറ്റൊരു മാർഗവുമില്ല... മുന്നോട്ട് പോകുക... ജീവിതം നയിക്കാൻ ശ്രമിക്കുക...അത് ചെയ്യും. പക്ഷേ നീയില്ലാതെ എപ്പോഴും അപൂർണനാണ്... നീയില്ലാതെ ഞാൻ എന്നും തകർന്നുപോകും...
ഞാൻ നിന്നെ മിസ്സ് ചെയ്യുന്നു, നിങ്ങൾ ഒരിക്കലും വിട്ടു പോയിരുന്നില്ലെങ്കിൽ, കാര്യങ്ങൾ വ്യത്യസ്തമായേനെ, ഞാൻ വ്യത്യസ്തമായേനെ, ഒരുപക്ഷേ, ഞാൻ കൂടുതൽ കൂടുതൽ എളുപ്പത്തിൽ പുഞ്ചിരിക്കുമായിരുന്നു... നിങ്ങൾ എവിടെയായിരുന്നാലും പുഞ്ചിരിക്കൂ, അല്ലെങ്കിൽ പുഞ്ചിരിക്കാൻ എനിക്ക് ബുദ്ധിമുട്ടാണ്. നീയില്ലാതെ എനിക്ക് എപ്പോഴും ചിരിക്കാനോ ജീവിക്കാനോ ബുദ്ധിമുട്ടാണ്...’’ എന്നാണ് അര്ജുന് ഒരു ത്രോബാക്ക് ചിത്രത്തിനൊപ്പം കുറിച്ചത്.
മോണയുമായി വേര്പെട്ട ശേഷമാണ് ബോണി കപൂര് ബോളിവുഡിന്റെ താരറാണി ശ്രീദേവിയെ വിവാഹം ചെയ്തത്. ശ്രീദേവി വേര്പെട്ട് പോകുന്നതു വരെ ബോണി കപൂറുമായോ മക്കളായ ജാഹ്നവിയും ഖുഷിയുമായോ അര്ജുന് കപൂറിനോ സഹോദരി അന്ഷുലയ്ക്കോ അടുപ്പമുണ്ടായിരുന്നില്ല. ചില വേദനകള് മനസ്സിനെ അടുപ്പിക്കുമെന്ന് പറയുന്നതു പോലെ ശ്രീദേവിയുടെ വേര്പാടിനു ശേഷമാണ് എല്ലാ കുടുംബങ്ങളും ഒരുമിച്ചത്.
