ബോളിവുഡിന്റെ പ്രിയപ്പെട്ട താരമാണ് ഹൃത്വിക് റോഷന്. ആക്ഷനായാലും നൃത്തമായാലും പ്രണയരംഗങ്ങളായാലും ഹൃത്വിക്കിനോളം മികച്ചതായി ചെയ്യാന് കഴിവുള്ള താരങ്ങള് ബോളിവുഡില് ഇല്ലെന്നു തന്നെ പറയാം. ഇപ്പോഴും താരത്തിന്റെ സിനിമകള്ക്ക് നിറഞ്ഞ സ്വീകാര്യതയാണ് കിട്ടുന്നത്. താരത്തിന്റെ കുടുംബജീവിതമടക്കം പ്രണയ വിവാഹം, വേർപിരിയല്, പിന്നീട് നടനുണ്ടായ പ്രണയങ്ങള് എന്നിവയെല്ലാം ബോളിവുഡില് ചര്ച്ചയായതാണ്. ചെറുപ്പത്തില് പ്രണയിച്ചു തുടങ്ങിയ സുസൈന് ഖാനെയാണ് ഹൃത്വിക് ജീവിതസഖിയാക്കിയത്. ഹ്രെഹാൻ, ഹൃദാൻ എന്നീ രണ്ടു കുട്ടികള് ജനിച്ച് കുറച്ചു നാളുകള്ക്ക് ശേഷം ഹൃത്വിക്കും സുസൈനും വേര്പിരിഞ്ഞു. സൂസനും ഹൃതിക്കും വേർപിരിയുമെന്ന് ആരാധകർ കരുതിയിരുന്നില്ല. അത്രത്തോളം സ്നേഹത്തോടെയാണ് രണ്ട് പേരെയും പൊതുവേദികളില് കണ്ടിട്ടുള്ളത്. രണ്ടാളും ജീവിതത്തില് പുതിയ പങ്കാളികളെയും കണ്ടെത്തി.
വിവാഹമോചനം കഴിഞ്ഞ് കുറച്ച് വർഷങ്ങള്ക്ക് ശേഷമാണ് ഹൃതിക്കിന്റെ ജീവിതത്തിലേക്ക് നടിയും ഗായികയുമായ സബ അസദ് കടന്ന് വരുന്നത്. പ്രണയത്തിലാണെന്ന കാര്യം ഇരുവരും മറച്ച് വെച്ചില്ല. പൊതുവേദികളില് ഇവർ ഒരുമിച്ചാണ് എത്താറ്. സൂസനുമായി സബയ്ക്ക് സൗഹൃദമുണ്ട്.
ഇപ്പോഴിതാ സബയ്ക്കൊപ്പം നില്ക്കുന്ന ഫോട്ടോ പങ്കുവെച്ചിരിക്കുകയാണ് സൂസൻ ഖാനിപ്പോള്. സൂസന്റെ പാർട്ടിക്ക് സബയെത്തിയപ്പോള് പകർത്തിയ ചിത്രമാണിത്. ‘‘എല്ലാ സ്നേഹത്തിനും സൂര്യപ്രകാശത്തിനും നന്ദി പ്രിയ സാബോ...’’ എന്നാണ് സുസൈന് ഇന്സ്റ്റഗ്രാം സ്റ്റോറി പങ്കിട്ട് കുറിച്ചത്. ‘‘എക്കാലത്തെയും മികച്ച സമയത്തിന് എന്റെ സോസിന് നന്ദി...’’ എന്നാണതിന് സബ മറുപടി നല്കിയത്. മുൻ ഭർത്താവിന്റെ കാമുകിയുമായുള്ള സൂസന്റെ സൗഹൃദം പലര്ക്കും കൗതുകമാകുകയാണ്.
ഹൃതിക്കിനെ അത്രമാത്രം ഇഷ്ടപ്പെട്ടിരുന്ന ഭാര്യയായിരുന്നു സൂസൻ. ഒരിക്കല് ഇതേക്കുറിച്ച് സൂസൻ തുറന്ന് സംസാരിച്ചിട്ടുമുണ്ട്.
‘‘ എന്ത് കാരണം കാെണ്ടായാലും ഹൃതിക് ഒപ്പമില്ലാത്തത് എനിക്ക് ആലോചിക്കാൻ പോലും പറ്റില്ല, അത്രമാത്രം താൻ ഹൃതികുമായി സ്നേഹത്തിലാണ്...’’ ഒരിക്കല് സൂസൻ ഖാൻ പറഞ്ഞത് ഇങ്ങനെയാണ്. എന്നാല് വർഷങ്ങള്ക്കിപ്പുറം കാര്യങ്ങള് മാറി മറിഞ്ഞു. വിവാഹമോചനത്തിന് പിന്നാലെ ഹൃത്വക്കിന്റെ പല പ്രണയങ്ങളും പുറത്തു വന്നിരുന്നു. അതിലൊന്നായിരുന്നു കങ്കണയുമായി കേട്ട പ്രണയം. ഹൃതിക്കുമായി തനിക്ക് ബന്ധമുണ്ടായിരുന്നെന്ന് കങ്കണ സൂചന നല്കി. എന്നാല് കങ്കണയുമായി തനിക്ക് ഒരു ബന്ധവും ഇല്ലെന്ന് ഹൃതിക് പറഞ്ഞു. നടിക്കെതിരെ ഹൃതിക് പരാതി നല്കിയ സാഹചര്യം വരെയുണ്ടായി. ഏറെ നാളുകള്ക്ക് ശേഷമാണ് ഈ വിവാദം അവസാനിച്ചത്. കങ്കണ ആരോപണങ്ങള് ഉന്നയിച്ചപ്പോഴും ഹൃതിക്കിനെ പിന്തുണച്ച് കൊണ്ടാണ് സൂസൻ ഖാൻ സംസാരിച്ചത്.
