വിവാദ ചിത്രം ‘ദി കേരള സ്റ്റോറി’യുടെ ടെലികാസ്റ്റ് തിയതി പ്രഖ്യാപിച്ച് ദൂരദര്ശന്. ചിത്രത്തിന്റെ സംപ്രേഷണം ഏപ്രില് അഞ്ചിന് രാത്രി എട്ട് മണിക്കാണ് ആരംഭിക്കുക. ലോകത്തെ നടുക്കിയ കേരളത്തിന്റെ കഥ നിങ്ങളുടെ മുന്നിലേക്ക് എന്ന ക്യാപ്ഷനോടെയാണ് ദൂരദര്ശന് ഫെയ്സ്ബുക്ക് പേജില് ചിത്രത്തെ പറ്റി കുറിച്ചിരിക്കുന്നത്.
ദ കേരള സ്റ്റോറി വന് വിവാദങ്ങള് അഴിച്ചുവിട്ട ചിത്രമായിരുന്നു. എന്നാല് ചിത്രം ബോക്സോഫീസില് മികച്ച കളക്ഷന് നേടിയാണ് അതിന്റെ തീയറ്റര് റണ്ണിംഗ് അവസാനിപ്പിച്ചത്. കഴിഞ്ഞ ഫെബ്രുവരിയിലാണ് ചിത്രം സീ 5ലൂടെ ഒടിടിയില് എത്തിയത്.അതേസമയം ചിത്രം വിവാദമാകും എന്നതിനാലാണ് വളരെക്കാലം ചിത്രം സ്ട്രീം ചെയ്യാതിരുന്നത് എന്നാണ് റിപ്പോര്ട്ട്.
