വിമാനം പുറപ്പെട്ട് അരമണിക്കൂറിനുള്ളില് വിമാനത്തിലുണ്ടായിരുന്ന മുഴുവന് മദ്യവും ബ്രിട്ടീഷുകാരായ യാത്രക്കാര് കുടിച്ച് തീര്ത്തെന്ന് റിപ്പോര്ട്ടാണ് ഇപ്പോള് പുറത്തുവരുന്നത്. തുര്ക്കിയിലേക്ക് പറന്ന സണ് എക്സ്പ്രസിന്റെ വിമാനത്തില് ഗോൾഫ് താരങ്ങൾക്കായി പ്രത്യേകമായി സജ്ജീകരിച്ച വിമാനത്തിലാണ് സംഭവം നടന്നത്.
ട്രാവൽ വീക്കിലി ടിടിജിക്ക് നൽകിയ അഭിമുഖത്തിൽ സൺഎക്സ്പ്രസ്സിലെ യുഎസ്-ജർമ്മൻ ചീഫ് എക്സിക്യൂട്ടീവ് മാക്സ് കോവ്നാറ്റ്സ്കിയാണ് ഇതേ കുറിച്ച് വെളിപ്പെടുത്തിയത്. എന്നാല് എന്നാണ് ഈ സംഭവം നടന്നതെന്ന് വ്യക്തമല്ല. 'ചെലവ് കൂടുതലുള്ള, കൂടുതൽ സുഖസ്വാദകരാണ്' ബ്രിട്ടനില് നിന്നുള്ള യാത്രക്കാരെന്നാണ് മാക്സിന്റെ പക്ഷം. 'പുറപ്പെട്ട് 25 മിനിറ്റിനുള്ളില് വിമാനത്തിലെ ബ്രിയറും വൈനും വിറ്റ് പോയി. മറ്റൊരിക്കല് പോലും ഇത്തരമൊരു സംഭവം നടന്നിട്ടില്ല.' അദ്ദേഹം കൂട്ടിച്ചേര്ത്തു. 2022 മുതല് യൂറോപ്യന് വിപണിയില് സണ്എക്സ്പ്രസിന് വലിയ വളര്ച്ചയാണ് കാണിക്കുന്നത്. ജെറ്റ് ടു ഡോട്ട് കോം, ഈസി ജെറ്റ് തുടങ്ങിയ സര്വ്വീസുകള്ക്ക് പിന്നാല് മൂന്നാം സ്ഥാനത്താണ് സണ് എക്സിപ്രസ് എന്നും മാക്സ് കൂട്ടിച്ചേര്ക്കുന്നു.
35 വർഷം മുമ്പ് ലുഫ്താൻസയും ടർക്കിഷ് എയർലൈൻസും സംയുക്ത പങ്കാളിത്തത്തിലൂടെ സ്ഥാപിച്ച സൺഎക്സ്പ്രസിന് ഇന്ന് ഓരോ ആഴ്ചയും 136 വിമാന സര്വ്വീസുകളിലായി 1.3 ദശലക്ഷം ഉപയോക്താക്കളാണ് സണ് എക്സ്പ്രസില് യാത്ര ചെയ്യുന്നത്. 2023 ഓഗസ്റ്റിൽ യൂറോപ്പിലെ മികച്ച ലെഷർ എയർലൈനിനുള്ള പുരസ്കാരവും സണ് എക്സ്പ്രസിനായിരുന്നു.
