ന്യൂഡല്ഹി: പട്ടികജാതി പട്ടികവര്ഗങ്ങള്ക്കും മറ്റ് പിന്നാക്ക വിഭാഗങ്ങള്ക്കുള്ള സംവരണ ക്വാട്ട നിര്ത്തലാക്കണമെന്ന് കേന്ദ്ര ആഭ്യന്തരമന്ത്രി അമിത് ഷാ വാദിക്കുന്നു എന്നാരോപിച്ച് സോഷ്യല് മീഡിയ പ്ലാറ്റ്ഫോമുകളില് പ്രചരിക്കുന്ന വീഡിയോയില് കേസെടുത്ത് ഡല്ഹി പോലീസ്. വീഡിയോയ്ക്ക് പിന്നിലുള്ളവരെ കണ്ടെത്തണമെന്ന് ആവശ്യപ്പെട്ട് ആഭ്യന്തരമന്ത്രാലയം നല്കിയ പരാതിയിലാണ് അന്വേഷണം.
വിവാദങ്ങള്ക്കും തെറ്റായ ആരോപണത്തിനും ഇടയാക്കിയ വീഡിയോയ്ക്ക് ഉത്തരവാദികളായവര്ക്കെതിരെ നടപടിയെടുക്കണമെന്ന് ആവശ്യപ്പെട്ടാണ് പരാതി നല്കിയിരിക്കുന്നത്. വീഡിയോയുടെ ആധികാരികത സംബന്ധിച്ച് ഭാരതീയ ജനതാ പാര്ട്ടി (ബിജെപി) ഉന്നയിച്ച ആശങ്കകള്ക്ക് മറുപടിയായി ഡല്ഹി പോലീസ് ഞായറാഴ്ച എഫ്ഐആറിട്ട് കേസ് രജിസ്റ്റര് ചെയ്തു. ഒരു രാഷ്ട്രീയ റാലിക്കിടെ നടത്തിയ ഷായുടെ യഥാര്ത്ഥ പ്രസ്താവനകളെ വളച്ചൊടിക്കാന് വീഡിയോയില് കൃത്രിമം കാണിച്ചുവെന്നാണ് ബിജെപിയുടെ ആരോപണം.
തെലങ്കാനയിലെ മുസ്ലീങ്ങള്ക്കുള്ള സംവരണ ക്വാട്ട വിഷയത്തില് ഷായുടെ പരാമര്ശം വീഡിയോയില് തെറ്റായി ചിത്രീകരിക്കുകയായിരുന്ന എന്നാണ് ബിജെപി വക്താവ് അമിത് മാളവ്യ പറയുന്നത്. '' തികച്ചും വ്യാജവും വലിയ തോതിലുള്ള അക്രമത്തിന് സാധ്യതയുള്ളതുമായ എഡിറ്റ് ചെയ്ത വീഡിയോയാണ് കോണ്ഗ്രസ് പ്രചരിപ്പിക്കുന്നത്. പട്ടികജാതി/പട്ടികവര്ഗ വിഭാഗങ്ങളുടെ വിഹിതം കുറച്ചതിന് ശേഷം മതത്തിന്റെ അടിസ്ഥാനത്തില് മുസ്ലീങ്ങള്ക്ക് ഭരണഘടനാ വിരുദ്ധമായി സംവരണം ഏര്പ്പെടുത്തുന്നത് നീക്കം ചെയ്യുന്നതിനെക്കുറിച്ച് ആഭ്യന്തര മന്ത്രി അമിത് ഷാ പറഞ്ഞു. ഒബിസി വിഭാഗക്കാര് ഈ വ്യാജ വീഡിയോ പോസ്റ്റ് ചെയ്തത് നിയമപരമായ പ്രത്യാഘാതങ്ങള്ക്ക് തയ്യാറാവണം.
കോണ്ഗ്രസുമായി അഫിലിയേറ്റ് ചെയ്തിട്ടുള്ള ഔദ്യോഗിക അക്കൗണ്ടുകള് ഉള്പ്പെടെ വിവിധ സോഷ്യല് മീഡിയ ഹാന്ഡിലുകള്, ദൃശ്യങ്ങള് പങ്കിട്ടതോടെ വീഡിയോയെ ചുറ്റിപ്പറ്റിയുള്ള വിവാദം വര്ദ്ധിച്ചു, ഇത് 'എസ്സി / എസ്ടി സംവരണ ക്വാട്ടകള് ഇല്ലാതാക്കാനുള്ള ബി ജെ പിയുടെ അജണ്ട' വെളിപ്പെടുത്തിയെന്നാണ് ആരോപണം ഉയര്ന്നിരിക്കുന്നത്. ഈ അവകാശവാദങ്ങള് ബിജെപി നേതാക്കളില് ഉള്പ്പെടെ വിമര്ശനത്തിന് കാരണമായി മാറിയിട്ടുണ്ട്്, സാമൂഹിക വിയോജിപ്പുണ്ടാക്കാന് സാധ്യതയുള്ള തെറ്റായ വിവരങ്ങള് എന്നാണ് ബിജെപി പ്രതികരിച്ചത്.
ഇപ്പോള് എഫ്ഐആര് രജിസ്റ്റര് ചെയ്തതോടെ, ഡല്ഹി പോലീസ് സ്പെഷ്യല് സെല്ലിന്റെ ഇന്റലിജന്സ് ഫ്യൂഷന് ആന്ഡ് സ്ട്രാറ്റജിക് ഓപ്പറേഷന്സ് (ഐഎഫ്എസ്ഒ) യൂണിറ്റാണ് കെട്ടിച്ചമച്ച വീഡിയോയുടെ ഉത്ഭവത്തെക്കുറിച്ച് അന്വേഷണം നടത്തുന്നത്.
