ഒരുകാലത്ത് കേരളത്തിൽ അൽപ്പം അടിതടകൾ പയറ്റാൻ കഴിവുള്ള ഒരു പെൺകുട്ടിയുണ്ടെങ്കിൽ, ‘അമ്പടീ, നീയാര് വാണി വിശ്വനാഥോ’ എന്ന ചോദ്യം കേട്ടിട്ടുള്ളവർ ഉണ്ടാകാം. അതായിരുന്നു വാണി . മലയാളത്തിന് എവിടെ ആക്ഷൻ ഹീറോയിൻ എന്ന ചോദ്യത്തിന് മറുപടിയായിരുന്നു വാണി. അഭിനയിച്ച ചിത്രങ്ങൾ എല്ലാത്തിലും തന്റെ വ്യക്തിമുദ്ര പതിപ്പിച്ച ശേഷം മാത്രമാണ് വാണി വിശ്വനാഥ് കുടുംബിനിയുടെ ഫുൾ ടൈം റോളിലേക്ക് ചുവടുമാറ്റിയത്
ബാബുരാജിന്റെ ഭാര്യയും ആർച്ചയുടെയും അദ്രിയുടെയും അമ്മയുമായ ശേഷം അൽപ്പം നീണ്ട ഇടവേളകൾ ഉണ്ടായെങ്കിലും, വാണി വിശ്വനാഥ് ഇടയ്ക്കിടെ മലയാള സിനിമയിൽ വന്നിരുന്നു. ചിന്താമണി കൊലക്കേസിലും മറ്റും മികച്ച വേഷം തന്നെ വാണിയെ തേടിയെത്തി. വാണിക്ക് മറ്റൊരു പിറന്നാൾ കൂടി വന്നിരിക്കുന്നു. സഹതാരമായ സുരഭി ലക്ഷ്മി വാണിക്ക് ജന്മദിനാശംസ നേരുന്നു.
‘ആസാദി’ എന്ന സിനിമയിലൂടെ വീണ്ടും മലയാള സിനിമയിലെത്തിയ വാണി വിശ്വനാഥ്, റൈഫിൾ ക്ലബ് എന്ന സിനിമയിലും അഭിനയിച്ചു. അവിടെയാണ് സുരഭി ലക്ഷ്മി ഒപ്പം വേഷമിട്ടത്. ഇന്നും വാണിക്ക് മമ്മൂട്ടി എഫ്ഫക്റ്റ് തന്നെയാണ്. വാണി വിശ്വനാഥിന് പ്രായം എത്രയെന്ന ചോദ്യത്തിന് സുരഭിയുടെ പിറന്നാൾ ആശംസാ പോസ്റ്റ് ആണ് മറുപടി.
‘കൂടെയുണ്ടായിരുന്ന ഓരോ നിമിഷവും അത്രമേൽ പ്രിയപ്പെട്ടതാക്കി മാറ്റിയ എന്റെ പ്രിയപ്പെട്ട വാണിചേച്ചിക്ക് 50 പിറന്നാളുമ്മകൾ. ഇതുവരെയുള്ള എന്റെ സിനിമാ ജീവിതത്തിൽ എനിക്ക് ലഭിച്ചിട്ടുള്ള ഏറ്റവും വലിയ സൗഹൃദത്തിൽ ഒന്നാണ് ചേച്ചി…വാണിചേച്ചിയുടെ കൂടെ റൈഫിൾ ക്ലബ്ബിൽ 40 ദിവസം എന്റെ എല്ലാ കുരുത്തക്കേടിനും ഒടുക്കത്തെ പ്രോത്സാഹനം നൽകി, നേതൃത്വം വഹിക്കുകയും, കുഞ്ഞനുജത്തിയെ പോലെ ചേർത്തു നിർത്തുകയും ചെയ്ത എന്റെ പ്രിയപ്പെട്ട വാണി ചേച്ചിക്ക് ഹൃദയം നിറഞ്ഞ പിറന്നാൾ ആശംസകൾ,’ സുരഭി കുറിച്ചു.
