കോഴിക്കോട് മീഞ്ചന്തയില് ഷോക്കേറ്റ് വീണ കാക്കയ്ക്ക് രക്ഷയൊരുക്കി മീഞ്ചന്ത ഫയര് സ്റ്റേഷനിലെ ഉദ്യോഗസ്ഥര്. മീഞ്ചന്ത ഫയർ ഫോഴ്സ് ഓഫീസിലെ ഗ്രേഡ് സീനിയർ ഓഫീസർമാറായ കെകെ നന്ദകുമാറും പി ബിനീഷും ജോലിക്കിടയില് ചായ കുടിക്കാനിറങ്ങുന്നതിനിടയിലാണ് പെട്ടെന്നാണ് ഒരു കാക്ക ഇലക്ട്രിക് ലൈനിൽ നിന്ന് ഷോക്കേറ്റ് ഇവർക്ക് മുന്നിലേക്ക് വീണത്. ഒരു നിമിഷം പോലും പാഴാക്കാതെ ഇരുവരും രക്ഷാപ്രവർത്തനത്തിൽ ഏർപ്പെട്ടു.
വിരൽ കൊണ്ട് ചലനമറ്റ് കിടന്ന കാക്കയ്ക്ക് സിപിആർ. ഏതാനും നിമിഷത്തെ പരിശ്രമത്തിന് ഒടുവിൽ കാക്കയ്ക്ക് പുനർജന്മം.
പിന്നീട് കാക്കയെ ഇരുവരും ഓഫീസിലേക്ക് കൊണ്ടുപോയി വെള്ളവും ഭക്ഷണവും കൊടുത്തു. നന്ദി സൂചകമായി ഫയർ സ്റ്റേഷനിലെ പരിസരത്ത് അല്പനേരം ചുറ്റിക്കറങ്ങിയ കാക്ക വൈകാതെ പറന്നു പോയി. മൃഗങ്ങളുടെയും ജീവന് വലിയ വിലയുണ്ടെന്ന് ഓർമപ്പെടുത്തുകയാണ് ഈ രക്ഷാ പ്രവർത്തനം .
