തിരുവനന്തപുരം; നാളെ സംസ്ഥാന വ്യാപകമായി വിദ്യാഭ്യാസ ബന്ദ് നടത്തുമെന്ന് കെ എസ് യു. പ്ലസ് വണ് സീറ്റിന്റെ പ്രതിസന്ധിയില് പരിഹാരം കണ്ടില്ലെങ്കില് അനിശ്ചിതകാല സമരമെന്നും സംസ്ഥാന പ്രസിഡന്റ് അലോഷ്യസ് സേവ്യര് വ്യക്തമാക്കിയട്ടുണ്ട്.കെഎസ് യുവും എഎസ്എഫും മലബാറിലെ പ്ലസ് വണ് സീറ്റ് പ്രതിസന്ധിയില് പ്രതിഷേധം കടുപ്പിക്കുകയാണ്.
പ്ലസ് വണ് സീറ്റ് പ്രതിന്ധി പരിഹരിക്കണമെന്നാവശ്യപ്പെട്ട് ഇടുക്കി തൊടുപുഴ ഡിഡിഇ ഓഫീസിലേക്ക് കെഎസ്യു നടത്തിയ പ്രതിഷേധമാര്ച്ചില് ഉന്തും തളളും. മാര്ച്ച് പൊലീസ് ബാരിക്കേഡ് നിരത്തി തടഞ്ഞു. പ്രവര്ത്തകര് ബാരിക്കേഡ് മറിച്ചിടാന് ശ്രമിച്ചതോടെ പൊലീസും പ്രവര്ത്തകരും തമ്മില് നേരിയ സംഘര്ഷമുണ്ടായി.
കെ എസ് യു പ്രവര്ത്തകര് പ്ലസ് വണ് സീറ്റ് പ്രതിസന്ധിയില് കോഴിക്കോട് ആര് ഡിഡി ഓഫീസ് ഉപരോധിച്ചു. തുടര്ന്ന് ഓഫീസിന് അകത്തേക്ക് തള്ളി കയറാന് ശ്രമിച്ച പ്രവര്ത്തകരെ പോലീസ് തടഞ്ഞു. ബലം പ്രയോഗിച്ച് കസ്റ്റഡിയിലെടുക്കാന് പോലീസ് ശ്രമിച്ചതിനെ പ്രവര്ത്തകര് ചോദ്യം ചെയ്തതോടെ സംഘര്ഷാവസ്ഥയായി. പ്ലസ് വണ് സീറ്റ് പ്രതിസന്ധി പരിഹരിക്കണമെന്ന് ആവശ്യപ്പെട്ട് കണ്ണൂരിലും എംഎസ്എഫ് പ്രതിഷേധം. ഹയര്സെക്കന്ററി റീജിയണല് ഡെപ്യൂട്ടി ഡയറക്ടറേറ്റ് ഓഫീസ് പ്രവര്ത്തകര് ഉപരോധിച്ചു.
